Ազատություն
Իրանի արտաքին գործերի նախարար Աբբաս Արաղչին նախատեսում է վերադառնալ Պակիստան Օման ուղևորության ավարտից հետո և Ռուսաստան մեկնելուց առաջ, հայտնում են իրանական պետական ԶԼՄ-ները: Իրանցի բարձրաստիճան դիվանագետը ավելի վաղ լքել էր Իսլամաբադը՝ առանց Պակիստանի վարչապետ Շեհբազ Շարիֆի և այլ բարձրաստիճան պաշտոնյաների հետ բանակցություններում առաջընթացի որևէ նշանի: IRNA լրատվական գործակալությունը հայտնել է, որ Արաղչիի գլխավորած պատվիրակության մի մասը վերադարձել է Թեհրան «խորհրդակցությունների և անհրաժեշտ հրահանգներ ստանալու համար պատերազմի ավարտի հետ կապված հարցերի վերաբերյալ և նախատեսում է կիրակի երեկոյան [ապրիլի 26-ին] միանալ Արաղչիին Իսլամաբադում»: ԱՄՆ նախագահ Դոնալդ Թրամփը երեկ չեղյալ էր հայտարարել հատուկ բանագնաց Սթիվ Ուիթքոֆի և Ջարեդ Քուշների՝ Պակիստան նախատեսված այցը՝ Իրանի հետ խաղաղ բանակցություններին մասնակցելու համար: Իրանը հայտարարել էր, որ իր թիմը չի հանդիպի ամերիկացի բանակցողների հետ և փոխարենը իր մոտեցումները կփոխանցի Պակիստանի միջոցով:
Go to News Site