ရူတ်ႉၾႆး ၽႃႇၵၼ်တီႈဢိၼ်ႊတူဝ်ႊၼီႊသျႃႊ ၵူၼ်းတၢႆ 7 ၵေႃႉ

ဝၼ်းတီႈ 27/04/2026 မိူဝ်ႈဝႃးယၢမ်းၵၢင်ၶမ်ႈၼႆႉ ရူတ်ႉၾႆး 2 လမ်းၽႃႇၵၼ်တီႈ ဝဵင်းလူင် ၵျႃႊၵႃႊတႃႊ ၸိုင်ႈမိူင်းဢိၼ်ႊတူဝ်ႊၼီႊသျႃႊ ၵူၼ်းတၢႆထင်တီႈ 7 ၵေႃႉ မၢတ်ႇၸဵပ်းဢမ်ႇယွမ်း 81 ၵေႃႉ ၸုမ်းၸွႆႈထႅမ် ႁူမ်ႈၵၼ်ၸွႆႈထႅမ်ဢဝ်ၵူၼ်းမၢတ်ႇၸဵပ်းဢွၵ်ႇတေႃႇထိုင်ၼႂ်ၼႆႉ ပႆႇယဝ်ႉပႆႇတူဝ်ႈ ဝႃႈၼႆ။ ပဵၼ်ရူတ်ႉၾႆးလႅၼ်ႈၵႆ လႅၼ်ႈမႃးၽႃႇၺႃး ရူတ်ႉၾႆးလဵပ်ႈဝဵင်း ဢၼ်ၸွတ်ႇဝႆႉ။ ႁဵတ်းႁႂ်ႈရူတ်ႉၾႆးပိၼ်ႈၶွမ်ႈၵႂႃႇႁၢဝ်ႈႁႅင်းတင်း 2 လမ်း။ၼိူဝ်ရူတ်ႉၾႆးလႅၼ်ႈၵႆ ၼၼ်ႉမီးၵူၼ်းတၢင်းသၢပ်ႇဝဵင်းလႄႈ တၢင်းဝၢၼ်ႈၸိူဝ်းမႃးႁဵတ်းၵၢၼ်ၼႂ်းဝဵင်းၵျႃႊၵႃႊတႃႊသေ ၶိုၼ်းပွၵ်ႈႁိူၼ်းၸိူဝ်းၼႆႉ။ ရူတ်ႉၾႆးၽႃႇၵၼ်ၼႆႉ ပဵၼ်တီႈတႃႈရူတ်ႉၾႆး ပီႊၵႃႊသီႊ တီႊမူႊရႃႊ ဢၼ်ယၢၼ်ၵႆၵၼ်တင်းဝဵင်းၵျႃႊၵႃႊတႃႊမွၵ်ႈ 25 ၵီႊလူဝ်ႊမီႊတႃႊ ။ ယွၼ်ႉဝႃႈ တီႈတၢင်းၶွႆႈသဵၼ်ႈတၢင်းရူတ်ႉၵႃးလႄႈရူတ်ႉၾႆးၶွႆႈၵၼ်ၼၼ်ႉ မီးရူတ်ႉၵႃးႁပ်ႉၸၢင်ႈ(ထႅၵ်ႊသီႊ) လႄႈရူတ်ႉၵႃးၾႆးၾႃႉ ၽႃႇၵၼ်ဝႆႉလႄႈ ၸင်ႇဝႃႈ ရူတ်ႉၾႆးလဵပ်ႈဝဵင်း ဢမ်ႇၸၢင်ႈၵႂႃႇတၢင်းၼႃႈသေ လႆႈၵိုတ်းဝႆႉ။ ၵွပ်ႈၼႆလႄႈရူတ်ႉၾႆးဢၼ်မႃးတၢင်းလင် ၸင်ႇမႃးၽႃႇၺႃးမႅၼ်ႈ ဝႃႈၼႆ။ တေႃႇထိုင်ယၢမ်းၵၢင်ဝၼ်းၼႆႉ ၸုမ်းၸွႆႈထႅမ် တိုၵ်ႉလႆႈၸွႆႈဢဝ်ၵူၼ်းၼႂ်းရူတ်ႉၾႆး ယၢပ်ႇယၢပ်ႇၽိုတ်ႇၽိုတ်ႇပႆႇယဝ်ႉပႆႇတူဝ်ႈ။ ၵႅမ်ႁူဝ်ပဝ်ႈသၽႃးဢိၼ်ႊတူဝ်ႊၼီႊသျႃႊ ဢွၵ်ႇမႃးလၢတ်ႈတီႈသိုဝ်ႇၶၢဝ်ႇၸိုင်ႈမိူင်းဝႃႈ […] The post ရူတ်ႉၾႆး ၽႃႇၵၼ်တီႈဢိၼ်ႊတူဝ်ႊၼီႊသျႃႊ ၵူၼ်းတၢႆ 7 ၵေႃႉ appeared first on SHAN News .

Go to News Site