Kurir
Возачот на Мекларен, Ландо Норис, верува дека сè уште има шанса да се бори за трофејот во шампионатот и смета на возачите на Мерцедес да му помогнат да го постигне тоа. - Се надевам дека имам сили да се борам за трофејот. Секако, колку повеќе се натпреваруваат еден против друг пилотите на Мерцедес, толку подобро за мене. И убаво е да се види тоа. Кими Антонели е во својата втора сезона во Ф1 и досега се снаоѓа многу добро. Одлично е. Тој е добар човек и се снаоѓа многу добро во моментов, откако го достигна највисокото ниво во Ф1. Имаше добра серија во последните неколку трки - добро е да се види дека најде начин да додаде малку повеќе брзина и сега редовно го предизвикува Џорџ Расел. Тоа е добра вест и за нас. Колку повеќе поени земаат возачите на Мерцедес еден од друг, толку подобро за нас. Исто како што јас и Пјастри си конкуриравме и земавме бодови еден од друг во минатогодишната битка со Макс Верстапен. Се надевам дека работите сега ќе се одвиваат во наша корист, нагласи Норис. Британецот со 25 бода се наоѓа на 5.место во поредокот на Формула 1 шампионатот. Пред него се Антонели (72 бода), Расел (63), Шарл Леклер (Ферари 49) и Луис Хамилтон (Ферари 41).
Go to News Site