Kajgana
Најнеславниот настап на легендарниот Мануел Нојер УЕФА ЛИГА НА ШАМПИОНИ 2025/2026 ПОЛУФИНАЛЕ Филип Здравески 29.04.2026 / 20:44 Фудбал Надреалниот прв натпревар од полуфиналето на Лигата на шампионите помеѓу Париз Сен-Жермен и Баерн ќе остане длабоко врежан во сеќавањата на фановите на светскиот фудбал, бидејќи неговата содржина и интензитет им ги исполнија очите, срцата и душите, но Мануел Нојер ќе се обиде да го заборави што е можно поскоро. Легендарниот германски голман милион пати ја спасуваше кожата на баварскиот тим низ целата своја долга историја на „Алианц Арена“, но овој пат на „Паркот на Принцовите“ беше целосно беспомошен. Не само што прими пет гола, туку не успеа ниту да прочита и да сопре ниту еден удар кон голот. Уште повеќе, тој стана првиот голман во 16-годишната историја на детално статистичко следење на перформансите на голманите во нокаут фазите на елитното натпреварување на УЕФА без ниту една успешна интервенција во текот на 90 минути, со пет или повеќе примени голови. Manuel Neuer did not save a single shot vs. PSG. He is the first goalkeeper in the last 16 UCL seasons to concede 5+ goals WITHOUT recording a single save in a KO stage match pic.twitter.com/v1lSZ6KnKc — ESPN FC (@ESPNFC) April 28, 2026 „Пет гола да се примат е удар за секоја одбрана и голман. Но, не сe криеме од тоа. Самите видовте какви беа тие голови. Секој од нив беше тежок за одбрана. Во два наврата беше многу блиску, можеби можев да ја дофатам топката или барем да ја допрам. Фокусирани сме на реваншот...“, не се откажуваа од борбата за финалето освојувач на сите можни трофеи. Remote video URL Мануел Нојер Лига на шампиони Баерн Автор/Извор Ф.З. Прикажи во метро On
Go to News Site