Փաշինյանն Ադրբեջանի փոխվարչապետի այցը շատ կարեւոր է համարում

Երեւան: Մեդիամաքս: Վարչապետ Նիկոլ Փաշինյանը «շատ կարեւոր» իրադարձություն է համարում Ադրբեջանի փոխվարչապետ Շահին Մուստաֆաեւի այցը Հայաստան։ «Երկու երկրների փոխվարչապետների այցերը պատմական խաղաղության գործընթացի ինստիտուցիոնալության տրամաբանության մեջ: Շատ ուրախ եմ, որ եկել ենք այս հանգրվանին»,- կառավարության նիստից հետո լրագրողների հետ ճեպազրույցում ասել է Նիկոլ Փաշինյանը: Նա նշել է, որ Հայաստանի ու Ադրբեջանի հարաբերությունները «պետք է շարունակաբար բարելավվել, խաղաղությունը գնալով ուժեղանա». «Պետք է հաստատվեն բնականոն, երկարաժամկետում՝ ռազմավարական առումով բարիդրացիական հարաբերություններ»: Ապրիլի 29-ին Աղվերանում ՀՀ փոխվարչապետ Մհեր Գրիգորյանի եւ Ադրբեջանի փոխվարչապետ Շահին Մուստաֆաեւի նախագահությամբ տեղի է ունեցել Հայաստանի Հանրապետության եւ Ադրբեջանի Հանրապետության միջեւ պետական սահմանի սահմանազատման եւ սահմանային անվտանգության հարցերով հանձնաժողովի եւ Ադրբեջանի Հանրապետության եւ Հայաստանի Հանրապետության միջեւ պետական սահմանի սահմանազատման պետական հանձնաժողովի 13-րդ հանդիպումը:

Go to News Site