Kajgana
Ешли Јанг оди во пензија: Горд сум и среќен за сè што постигнав Филип Здравески 30.04.2026 / 13:24 Фудбал Играчот од средниот ред на Ипсвич Таун, Ешли Јанг, објави дека ќе се пензионира од играњето на крајот од сезонава. Јанг, кој на 9 јули ќе наполни 41 година, кариерата ја почна на 10-годишна возраст во младинските категории на Вотфорд, за кого одигра 4 сезони на сениорско ниво. Потоа играше и за Астон Вила, Манчестер Јунајтед, Интер и Евертон, а член е на Ипсвич Таун од 2025 година. Досега има одиграно вкупно 765 клупски натпревари и постигнато 88 голови. Со Манчестер Јунајтед ја освои Премиер лигата во 2012/2013, како и ФА купот (2015/2016), Лига купот (2016/2017), Комјунити шилд (2011) и Лига Европа (2016/2017), додека со Интер ја освои Серија А во 2020/2021. „Неверојатно сум горд и среќен на сè што постигнав во мојата кариера. Не се случува често да седнете и да размислувате за ова додека сè уште играте, но јас го живеев својот сон во последните 23 години. Сега е време да размислам за она што го постигнав и во следните неколку недели и месеци ќе одлучам што ќе правам следно. Мојот целосен фокус е во сабота и помагањето на овој клуб да ја постигне нашата цел да се вратиме во Премиер лигата“, рече Јанг. What a career. Ashley Young has announced he will retire from professional football at the end of the season. — Ipswich Town (@IpswichTown) April 30, 2026 Ипсвич е втор на табелата во Чемпионшип со 81 бод, а останува уште едно коло. Ипсвич ќе биде домаќин на Квинс Парк Ренџерс во последното коло во сабота, и доколку победи ќе обезбеди враќање во Премиер лигата. Јанг одигра 39 натпревари за репрезентацијата на Англија од 2007 до 2018 година и постигна 7 голови. Беше на ЕУРО 2012 и на Мундијалот 2018. | OFFICIAL: Ashley Young has announced his retirement from professional football, bringing an incredible career to an end. Premier League FA Cup League Cup Serie A Europa League Community Shield pic.twitter.com/O82gR9FeSy — Goals Side (@goalsside) April 30, 2026 Ешли Јанг Автор/Извор Ф.З. Прикажи во метро On
Go to News Site