Mediamax
Այս շաբաթ ԱՄՆ այցելած Մեծ Բրիտանիայի թագավոր Չարլզ III-ը մի կատակ արեց, որը Վաշինգտոնում երկար կհիշեն։ Նկատելով, որ Սպիտակ տան Արեւելյան թեւը ծածկված է, քանի որ Թրամփը այն քանդել է հանդիսությունների մեծ դահլիճ կառուցելու համար՝ Չարլզ III-ը ասել է. «Չեմ կարող ուշադրություն չդարձնել Արեւելյան թեւի վերակառուցման աշխատանքներին, պարոն նախագահ, հատկապես նախորդ տարի Վինձորյան ամրոց ձեր կատարած այցից հետո։ Պետք է խոստովանեմ, որ մենք՝ բրիտանացիներս, մի անգամ նույնպես մի փոքր վերակառուցման նախագիծ իրականացրինք Սպիտակ տանը՝ 1814 թվականին»։ Դահլիճը ծիծաղեց։ Թրամփը նույնպես, թեեւ թվում է՝ չհասկանալով կատակը։ Բայց նույնիսկ նրանք, ովքեր անմիջապես չհասկացան, արագ հիշեցին, թե ինչպես 1814 թվականի օգոստոսի 24-ին անգլո-ամերիկյան պատերազմի (1812-1815թթ.) ընթացքում գեներալ Ռոբերտ Ռոսի ղեկավարած բրիտանական զորքերը գրավեցին Վաշինգտոնը եւ այրեցին Սպիտակ տունը, Կապիտոլիումը եւ այլ կառավարական շենքեր։ Դա հատուցման գործողություն էր ամերիկացիների կողմից Կանադայում Յորք քաղաքը (այժմ՝ Տորոնտո) այրելու համար։ Հրդեհից նախագահական առանձնատունը (այն ժամանակ այն դեռ Սպիտակ տուն չէր կոչվում) մեծապես տուժել էր կրել՝ պահպանվել էին միայն արտաքին պատերը, որոնք դեռ պետք էր վերակառուցեին։ ատերազմի ավարտից հետո Սպիտակ տունը վերականգնվեց, պատերը ներկվեցին սպիտակ գույնով՝ հրդեհի հետքերը թաքցնելու համար: Դա էլ շենքին տվեց իր այսօրվա անվանումը:
Go to News Site