သိုၵ်းမၢၼ်ႈပိုၼ်ၽၢဝ်ႇဝႃႈၶၢႆႉ ဢွင်ႇသၢၼ်းၸူႉၵျီႇ မႃးၵုမ်းၶင်ၵိုၵ်းႁိူၼ်း

ဝၼ်းတီႈ 30/04/2026 ၶမ်ႈဝႃးၼႆႉ သိုၵ်းမၢၼ်ႈပိုၼ်ၽၢဝ်ႇဝႃႈ ၶၢႆႉ ၻေႃႇဢွင်ႇသၢၼ်းၸူႉၵျီႇ ႁူဝ်ၼႃႈပႃႇတီႇၼူၵ်ႉယုင်း NLD  ဢွၵ်ႇၶွၵ်ႈသေ ဢဝ်မႃးၵုမ်းၶင်ၵိုၵ်းႁိူၼ်း  ဝႆႉယဝ်ႉ- ဝႃႈၼႆ။  သိုၵ်းမၢၼ်ႈပိုၼ်ၽၢဝ်ႇဝႃႈ “ ဢဝ်ဢွင်ႇသၢၼ်းၸူႉၵျီႇ ဢွၵ်ႇၶွၵ်ႈမႃးၵုမ်းၶင်ၵိုၵ်းႁိူၼ်းယဝ်ႉ” ဝႃႈၼႆသေတႃႉ ဢဝ်ဢွၵ်ႇၶွၵ်ႈဢၼ်လႂ်- လုၵ်ႉတီႈလႂ်သေတေဢဝ်  မႃးၵုမ်းၶင်ၵိုၵ်းႁိူၼ်းတီႈလႂ်ၼႆၸိူဝ်းၼႆႉ သိုၵ်းမၢၼ်ႈဢမ်ႇလၢတ်ႈပႃး။ ၼႂ်းငဝ်းႁၢင်ႈသဵင် MRTV ၼၼ်ႉတႄႉ ၽွင်းပိုၼ်ၽၢဝ်ႇလွင်ႉၼႆႉၼၼ်ႉ သိုၵ်းမၢၼ်ႈ ဢဝ်ႁၢင်ႈၼၢင်းဢွင်ႇသၢၼ်းၸူႉၵျီႇ ဢွၵ်ႇၼႄ – မၼ်းၼၢင်းၼုင်ႈဝႆႉသိူဝ်ႈမၼ်ႈသီၶၢဝ်။ ၼုင်ႈသိၼ်ႈတူင်ႇသီသွမ်ႇလမ် မီးမွၵ်ႇၶၢဝ်ၼၼ်ႉသေ ၼင်ႈဝႆႉတီႈတင်ႇ ။ တၢင်းၼႃႈမၼ်းၼၢင်း မီးႁၢင်ႈသိုၵ်းၵေႃႉၼိုင်ႈလႄႈပလိၵ်ႈၵေႃႉၼိုင်ႈ – မိူၼ်ၼင်ႇၶဝ်ဢုပ်ႇသင်ၵၼ်ဝႆႉ။ ၵူၺ်းၵႃႈ သိုၵ်းမၢၼ်ႈဢမ်ႇပွႆႇပႃးသဵင်ဢၼ်ၶဝ်ဢုပ်ႇၵၼ်ၼၼ်ႉ။ ၵွပ်ႈၼႆလႄႈ ပဵၼ်ႁၢင်ႈမိူဝ်ႈလႂ် – ဢုပ်ႇၵၼ်တီႈလႂ်ၼႆၽႂ်ၵေႃႈဢမ်ႇၸၢင်ႈလၢမ်းႁူႉလႆႈ။ ယွၼ်ႉဝႃႈ ၼႂ်းၶၢဝ်းတၢင်း 5 ပီပၢႆၼႆႉ သိုၵ်းမၢၼ်ႈဢဝ်မၼ်းၼၢင်းၶင်တီႈလႂ် – ၶၢႆႉၵႂႃႇဝႆႉတီႈလႂ်- ပၢႆးယူႇလီမၼ်းၼၢင်းပဵၼ်ႁိုဝ် ၸိူဝ်းၼႆႉ – ၽႂ်ဢမ်ႇလႆႈႁူႉၸွမ်းသေၵေႃႉ။ […] The post သိုၵ်းမၢၼ်ႈပိုၼ်ၽၢဝ်ႇဝႃႈၶၢႆႉ ဢွင်ႇသၢၼ်းၸူႉၵျီႇ မႃးၵုမ်းၶင်ၵိုၵ်းႁိူၼ်း appeared first on SHAN News .

Go to News Site