លោក ប៉េង ពោធិ៍នា៖ កំពង់ផែស្វយ័តក្រុងព្រះសីហុនរកចំណូលបានជិត ១៥៦លានដុល្លារក្នុងឆ្នាំ ២០២៥

ក្នុងឆ្នាំ២០២៥ កន្លងទៅ បរិមាណទូរកុងតឺទ័រចូលកំពង់ផែស្វយ័តក្រុងព្រះសីហនុមានចំនួន ១,៣៤លាន TEUs និងរកចំណូលអាជីវកម្មបានជិត ១៥៦លានដុល្លារ។ នេះបើតាមការបញ្ជាក់របស់រដ្ឋមន្រ្តីក្រសួងសាធារណការ និងដឹកជញ្ជូនលោក ប៉េង ពោធិ៍នា នៅក្នុងពិធីអបអរខួបលើកទី១៤០ នៃទិវាពលកម្មអន្តរជាតិ ថ្ងៃទី១ ខែឧសភា ឆ្នាំ២០២៦ នៅកំពង់ផែស្វយ័តក្រុងព្រះសីហនុ។ សូមបញ្ជាក់ថា ១TEUs ស្មើនឹង ២០ហ្វីត ឬស្មើនឹង ១ទូរកុងតឺន័រ។ ដោយឡែក បើគិតត្រឹមត្រីមាសទី១ ឆ្នាំ២០២៦ បរិមាណទំនិញឆ្លងកាត់កំពង់ផែស្វយ័តក្រុងព្រះសីហនុបានកើនឡើងក្នុងរង្វង់ ៣៨% ធៀបនឹងរយៈពេលដូចគ្នាកាលពីឆ្នាំ២០២៥។

Go to News Site