Fréttastofa RÚV
Njarðvík hafði betur gegn Grindavík í undanúrslitum Bónusdeildar kvenna í körfubolta í kvöld, 68-72. Leikið var í HS-Orkuhöllinni í Grindavík. Njarðvík leiddi í lok fyrsta leikhluta en í hálfleik var Grindavík komin með forystuna. Grindvíkingar héldu forystunni fram að fjórða leikhluta og náðu 11 stiga forskoti. Þá gáfu Njarðvíkingar í og skoruðu 14 stig í röð og sigruðu leikinn. Var þetta fjórði leikur Njarðvíkur og Grindavíkur í einvíginu. Staðan er nú 2-2. Því er ljóst að oddaleikur verður spilaður á þriðjudag.
Go to News Site