Ազատություն
Վարչապետ Նիկոլ Փաշինյանն այսօր ընդունել է ԵԱՀԿ գլխավոր քարտուղար Ֆերիդուն Սինիրիօղլուին։ Կառավարության տարածած հաղորդագրության համաձայն՝ ԵԱՀԿ գլխավոր քարտուղար Ֆերիդուն Սինիրիօղլուի խոսքով՝ «Հայաստանը կայուն պետություն է անհանգիստ տարածաշրջանում»: «Հանդիպման ընթացքում կողմերը մտքեր են փոխանակել Հայաստան–ԵԱՀԿ համագործակցության օրակարգի, ինչպես նաև տարածաշրջանային նշանակության հարցերի շուրջ։ Մասնավորապես, անդրադարձ է կատարվել տարածաշրջանային հաղորդակցության ուղիների ապաշրջափակմանն ուղղված նախագծերին»,- ասված է հաղորդագրության մեջ: ԵԱՀԿ գլխավոր քարտուղարը Հայաստանում է՝ մասնակցելու Եվրոպական քաղաքական համայնքի 8-րդ գագաթնաժողովին:
Go to News Site