Ազատություն
Ուկրաինան այսօր անօդաչու թռչող սարքերով հարվածել է Բալթիկ ծովի ռուսական Պրիմորսկ նավահանգստին, որտեղ հրդեհ է բռնկվել, հարվածների թիրախում եղել են նաև մի շարք նավեր, հայտնում է Reuters-ը։ Հաղորդվում է, որ վնասել են նաև նավահանգստում գտնվող մեկ նավթատար, «Կարակուրտ» դասի հրթիռային նավ և պարեկային նավակ։ Ուկրաինայի նախագահ Վլադիմիր Զելենսկին հայտարարել է, որ զգալի վնասներ են հասցրել նավթային նավահանգստի ենթակառուցվածքներին։ «Յուրաքանչյուր այսպիսի արդյունք ավելի է սահմանափակում Ռուսաստանի ռազմական ունակությունները», - տելեգրամյան ալիքում գրել է Զելենսկին։ Նահանգապետ Ալեքսանդր Դրոզդենկոյի փոխանցմամբ՝ Պրիմորսկում բռնկված հրդեհն արագ մարվել է, նավթի արտահոսք չի եղել: Ուկրաինան վերջին ամիսներին մի քանի անգամ հարվածել է նավահանգստին։
Go to News Site