Fréttastofa RÚV
Tindastóll knúði í kvöld fram oddaleik gegn Stjörnunni í einvígi liðanna í undanúrslitum Íslandsmóts karla í körfubolta. Tindastóll vann sigur í háspennuleik í Garðabæ, 97-103. Stjarnan var yfir í hálfleik, 55-46, og þremur stigum yfir fyrir lokaleikhlutann. Stólarnir voru þremur stigum yfir þegar hálf mínúta var eftir en héldu út og jöfnuðu einvígið í 2-2. Oddaleikur liðanna verður á Sauðárkróki á miðvikudag. Sigtryggur Arnar Björnsson gerði út um leikinn fyrir Tindastól af vítalínunni þegar hálf mínúta var eftir.RÚV / Mummi Lú Sigurvegarinn í þessu einvígi mætir annað hvort Val eða Grindavík í úrslitaeinvíginu um Íslandsmeistaratitilinn. Valur er 2-1 yfir í því einvígi og getur tryggt sig í úrslitin annað kvöld þegar liðin mætast á Hlíðarenda.
Go to News Site