ယူႊၶရဵၼ်ႊ ဢဝ်ၻရူၼ်ႊ ပိုတ်းယိုဝ်ႊတႃႈႁိူဝ်းရတ်ႉသျႃႊ တိူဝ်ႉႁိူဝ်းၼမ်ႉမၼ်းလႄႈ ႁိူဝ်းၾိုၵ်းသိုၵ်း

ဝၼ်းတီႈ 3/4/2026 ယူႊၶရဵၼ်ႊ ဢဝ်ၻရူၼ်ႊ ပိုတ်းယိုဝ်းတူဝ်ႈမိူင်းရတ်ႉသျႃႊ၊ တိူဝ်ႉပႃးတႃႈႁိူဝ်းရတ်ႉသျႃႊ တိူဝ်ႉႁိူဝ်းၼမ်ႉမၼ်းလႄႈ ႁိူဝ်းၾိုၵ်းသိုၵ်းၶွင်ရတ်ႉသျႃႊ။ ပိူင်လူင်တုမ်ႉတိူဝ်ႉတီႈတႃႈႁိူဝ်း ပရီႊမေႃႉသ်ၶ်- ၼႂ်းပၢင်ႇလၢႆႇ ပေႃႊလ်တိၵ်ႉ။ ပဵၼ်တီႈတၢင်ႇ/ဝၢင်းၼမ်ႉမၼ်းလႄႈ ႁဵတ်းႁႂ်ႈ ၾႆးမႆႈလူႉၵွႆၼမ်။ ႁိူဝ်းၵေႃႈၵွႆၼမ်- ၼႆ ၸွမ်ၸိုင်ႈယူႊၶရဵၼ်ႊ ဝူဝ်ႊ လူဝ်ႊတီႊမႃႊ ၸႅၼ်ႊလႅၼ်ႊသၵီႊ လၢတ်ႈၼင်ႇၼႆ။ မၼ်းၸၢႆးတႅမ်ႈတၢင်ႇပႃးတီႈ Telegram မၼ်းဝႃႈ ဢၼ်ယူႊၶရဵၼ်ႊ ယိုဝ်းလႆႈတီႈယမ် မိူင်းရတ်ႉသျႃႊ ၸိူင်ႉၼႆၼႆႉ ႁဵတ်းႁႂ်ႈတုမ်ႉတိူဝ်ႉၼမ်ႉၵတ်ႉပၢႆးတိုၵ်းမိူင်းရတ်ႉသျႃႊတႄႉတႄႉ ဝႃႈၼႆ။ ၵူၺ်းၵႃႈ ၾၢႆႇၽွင်းငမ်း ပရီႊမေႃႉသ်ၶ် ၸိုင်ႈမိူင်းရတ်ႉသျႃႊတႄႉလၢတ်ႈဝႃႈ- ၶိူင်ႈၻရူၼ်ႊဢၼ်ၶဝ်ယိုဝ်းမႃးၶၢဝ်းယၢမ်းၵၢင်ၶိုၼ်းၼၼ်ႉ ၾၢႆႇရတ်ႉသျႃႊ ယိုဝ်းတူၵ်းမွၵ်ႈ 60 လမ်း။ တီႈတႃႈႁိူဝ်းၼၼ်ႉ ၾႆးမႆႈၼႆသေတႃႉၵေႃႈ ၶႄၾႆးလႆႈၶိုတ်းၶၢဝ်းယၢမ်း။ ဢမ်ႇမီးလွင်ႈတုမ်ႉတိူဝ်ႉ၊ၼမ်ႉမၼ်းၵေႃႈ ဢမ်ႇႁူဝ်ႈၸိုမ်း ဝႃႈၼႆ။ မိူၼ်ၼင်ႇ တီႈဢၼ်မၢၵ်ႇၻရူၼ်ႊတူၵ်းသႂ်ႇ ၼႂ်းဝဵင်းၸိူဝ်းၼၼ်ႉၵေႃႈ တိူဝ်ႉၺႃး ရူတ်ႉၵႃးၼိုင်ႈလမ်း မီးၵူၼ်းတၢႆ 2 ၵေႃႉပေႃႈလုၵ်ႈ သိုဝ်ႇၶၢဝ်ႇမိူင်းရတ်ႉသျႃႊပိုၼ်ၽၢဝ်ႇၼင်ႇၼႆ။ […] The post ယူႊၶရဵၼ်ႊ ဢဝ်ၻရူၼ်ႊ ပိုတ်းယိုဝ်ႊတႃႈႁိူဝ်းရတ်ႉသျႃႊ တိူဝ်ႉႁိူဝ်းၼမ်ႉမၼ်းလႄႈ ႁိူဝ်းၾိုၵ်းသိုၵ်း appeared first on SHAN News .

Go to News Site