Kajgana
Рај на Земјата: Грчка плажа прогласена за најубава во Европа Александра Спасеска 04.05.2026 / 16:33 Живот Плажата Фтери на Кефалонија го освои второто место на листата на најубави во светот (50 најдобри плажи во светот) за 2026 година, а воедно и првото место во Европа. Составена од тим судии кои посетиле плажи во десетици земји, листата на 50 најдобри плажи во светот ги истакнува крајбрежните дестинации познати по нивната природна убавина, кристално чиста вода, недопрени пејзажи и чувство на изолација и мир. Ова е особено важно признание за Грција, бидејќи дури три нејзини плажи се наведени меѓу 50-те најдобри во светот. Фтери , сместена во затскриен залив на Кефалонија, се издвојува по својата дива околина и впечатлив пејзаж. До плажата може да се стигне само по стрмна патека или со брод, што придонело за зачувување на нејзиниот мир. Судиите ја опишаа како „магична плажа со неверојатна позадина“, пофалувајќи го нејзиниот недопрен изглед и кинематографски пејзаж, пишува Greek Reporter. Покрај второто место што го освои плажата Фтери, Грција се појавува и пониско на листата со уште две дестинации. Порто Кацики на Лефкада беше рангирана на 34-то место во светот и на 5-то место во Европа, потврдувајќи го својот статус како една од најпрепознатливите плажи во Јонското Море. Позната по своите високи бели карпи и интензивно сина вода, Порто Кацики останува една од најфотографираните локации во Грција. Порто Тимони на Крф беше рангирана на 46-то место во светот и на 9-то место во Европа . Оваа плажа со два заливи, опкружена со зелени ридови и тиркизно море, сè уште привлекува внимание со својот необичен изглед. Енталула на Филипините најдобра во светот Првото место на глобалната листа ѝ припадна на плажата Енталула на островот Палаван на Филипините. Достапна само со брод, скриена меѓу драматични варовнички формации, оваа плажа има мек песок, сино-зелена вода и мирна, изолирана атмосфера. Судиите ја пофалија Енталула за нејзиниот автентичен и зачуван карактер, опишувајќи ја како спектакуларна, но сепак во голема мера недопрена од масовниот туризам. Најдобро време за посета е од март до ноември, иако летните месеци носат тајфуни. Петте најдобри во светот Австралиската плажа Вартон го освои третото место, признаена по белиот песок, суровата природна околина, добрите услови за сурфање и можностите за гледање делфини. На четвртото место е Носи Иранија на Мадагаскар, која ги воодушеви судиите со два мали острови поврзани со песочна рид видлива при осека. Нејзините бистри води и морски желки ја прават одлично место за пливање и нуркање. Топ 5 ја заокружува Ист Бич на островот Вомо на Фиџи, мирна тропска плажа опкружена со густа вегетација и палми. плажа туризам патување Автор/Извор А.С. Прикажи во метро On
Go to News Site