លោក ប្រាក់ សុខុន៖ កម្ពុជាគ្មានជម្រើសផ្សេងក្រៅពីផ្សះផ្សាដោយបង្ខំដើម្បីដោះស្រាយដែនទឹកត្រួតស៊ីគ្នាជាមួយថៃ

កម្ពុជាគ្មានជម្រើសអ្វីប្រសើរជាងការផ្ដើមគំនិតជំរុញយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ដើម្បីដោះស្រាយគ្រប់វិវាទទាំងអស់ជាមួយប្រទេសជិតខាងទេ។ នេះជាការលើកឡើងរបស់លោករដ្ឋមន្ត្រីក្រសួងការបរទេសកម្ពុជា ប្រាក់ សុខុន នៅក្នុងសេក្តីថ្លែងការណ៍មួយនាថ្ងៃទី៥ ខែឧសភា ឆ្នាំ២០២៦ ពោលបន្ទាប់ពីគណៈរដ្ឋមន្ត្រីថៃបានអនុម័តសេចក្តីសម្រេចបញ្ចប់ MOU ឆ្នាំ២០០១ ជាមួយកម្ពុជា។ សម្រាប់លោក ប្រាក់ សុខុន ការដកខ្លួនរបស់ថៃចេញពីអនុស្សរណៈឆ្នាំ២០០១ គឺជាការដើរចេញពីឆន្ទៈនយោបាយរួមគ្នាជាមួយកម្ពុជាក្នុងការដោះស្រាយបញ្ហាត្រួតស៊ីគ្នាក្នុងដែនសមុទ្រ និងថា បញ្ហានេះនឹងមិនប៉ះពាល់សិទ្ធិស្របច្បាប់របស់កម្ពុជាលើ​ដែន​សមុទ្រ​របស់​ខ្លួន​ឡើយ។

Go to News Site