Ազատություն
Միջխորհրդարանական միության գլխավոր քարտուղարը մեկնել է Բաքու, որտեղ լրագրողների հետ զրույցում իր աջակցությունն է հայտնել «Հայաստանի և Ադրբեջանի միջև արձանագրվող առաջընթացին»։ «Տարածաշրջանում, որտեղ հակամարտությունները շարունակվում են, մենք պետք է աջակցենք Հայաստանի և Ադրբեջանի միջև արձանագրվող առաջընթացին, որովհետև այն դեպքում, երբ տարածաշրջանի մյուս երկրներն ավելի խորն են ներգրավվում հակամարտությունների մեջ, այս երկու երկրները դուրս են գալիս դրանցից՝ շարժվելով հակառակ ուղղությամբ, և մենք բարձր ենք գնահատում դա»,- ադրբեջանական մամուլի հաղորդմամաբ լրագրողներին հայտնել է Միջխորհրդարանական միության գլխավոր քարտուղար Մարտին Չունգոնգը։ Անդրադառնալով Բաքվի հետ հարաբերություններին՝ Մարտին Չունգոնգն ընդգծել է, որ շարունակելու և ամրապնդելու են փոխգործակցությունը տարբեր ոլորտներում։ Պետական Ազերթաջ գործակալության փոխանցմամբ՝ Ադրբեջանի նախագահ Իլհամ Ալիևն ընդունել է Միջխորհրդարանական միության գլխավոր քարտուղարին։
Go to News Site