Telegrafi
Muaji maj sjell një mundësi të mirë për të planifikuar një pushim të shkurtër buzë detit, me oferta që kombinojnë akomodimin, ushqimin dhe relaksin në një paketë të vetme. Fafa Premium Hotel & Spa prezanton ofertën e muajit maj, të përshtatur për ata që kërkojnë një qëndrim të organizuar dhe pa komplikime në bregdetin Adriatik. Paketa all inclusive vjen me çmim prej 75 euro për person dhe përfshin akomodimin, tri shujta ditore - mëngjes, drekë dhe darkë - si dhe pije pa limit nga ora 10:00 deri në 22:00. Në këtë paketë përfshihen edhe qasja në spa, pishinë dhe plazh, duke krijuar një përvojë të plotë pushimi në një vend të vetëm. Për ata që preferojnë më shumë fleksibilitet, ofrohet edhe paketa half board , e cila përfshin akomodimin, mëngjesin, darkën dhe spa-në. Çmimet variojnë nga 58 euro për një natë, 53 euro për dy netë dhe 50 euro për tre netë, për person. Ndërkohë, paketa bed & breakfast është një alternativë më e lehtë, që përfshin akomodimin, mëngjesin dhe spa-në. Çmimet nisin nga 48 euro për një natë, zbresin në 46 euro për dy netë dhe 41 euro për tre netë, për person. E vendosur në zonën turistike të Mali i Robit, Fafa Premium Hotel & Spa mbetet një nga opsionet më të përshtatshme për një pushim të shkurtër pranveror - një vend ku dita nis me detin përballë dhe mbyllet me qetësinë që kërkon pas një jave të ngarkuar. Rezervimet janë të hapura, ndërsa të interesuarit mund të kontaktojnë në numrin : +355 69 700 1353 .
Go to News Site