Kajgana
Рекорден број породувања со царски рез во Германија Александра Спасеска 05.05.2026 / 15:14 Здравје Бројот на царски резови во Германија достигна рекордно високо ниво, објави во понеделникот Федералниот завод за статистика во Висбаден. „Од 654.600 раѓања во Германија, околу 33 проценти биле со царски рез, што е највисоко ниво од повторното обединување на Германија“, се вели во соопштението на Федералниот завод за статистика. На почетокот на 1990-тите, само 15 проценти од раѓањата биле со царски рез. Во исто време, постојат големи разлики во процентот на царски резови извршени од страна на федералните покраини. Највисок процент е забележан во градот-држава Хамбург (36 проценти), а најнизок во источната покраина Бранденбург (27 проценти). Други методи на асистирано породување, како што се вакуум екстрактори или форцепси, се користат многу ретко. Зголемувањето на бројот на породувања со царски рез доаѓа во време кога бројот на бебиња родени во Германија падна на најниско ниво од крајот на Втората светска војна. Бројот на раѓања се намали четврта година по ред на околу 654.300 во 2025 година, што е за 3,4% помалку од претходната година. Германија царски рез Автор/Извор А.С. Прикажи во метро On
Go to News Site