Të shtëna me armë në Pejë, nuk raportohet për të lënduar

Sot rreth orës 21:50 janë raportuar të shtëna me armë zjarri në rrugën “Adem Jashari” në Pejë. Sipas informacioneve fillestare, Policia e Kosovës ka dalë menjëherë në vendin e ngjarjes dhe ka nisur ekzaminimet për të sqaruar rrethanat e rastit. Zëdhënësi i Policisë për rajonin e Pejës, Driton Rugova, ka konfirmuar për Telegrafin se deri më tani nuk raportohet për persona të lënduar. “Rreth orës 21:50 jemi njoftuar për të shtëna me armë në rrugën ‘Adem Jashari’ në Pejë. Njësitet policore kanë dalë menjëherë në vendin e ngjarjes dhe janë duke kryer ekzaminimet e nevojshme. Sipas informatave fillestare, nuk ka persona të lënduar”, ka deklaruar Rugova. Policia po vazhdon hetimet për të identifikuar të përfshirët dhe për të zbardhur plotësisht rastin. /Telegrafi/

Go to News Site