ԵԽԽՎ պատվիրակությունը կգնահատի նախընտրական մթնոլորտը

Երեւան: Մեդիամաքս: Եվրոպայի խորհրդի խորհրդարանական վեհաժողովի (ԵԽԽՎ) պատվիրակությունը՝ Դամիեն Կոտյեի գլխավորությամբ, մայիսի 11-ից 12-ը կլինի Հայաստանում՝ գնահատելու հունիսի 7-ին կայանալիք ընտրությունների քարոզարշավը եւ քաղաքական մթնոլորտը։ Պատվիրակությունը հանդիպումներ կունենա Ազգային ժողովի նախագահի, արդարադատության նախարարի, խորհրդարանական խմբակցությունների եւ արտախորհրդարանական կուսակցությունների առաջնորդների ու ներկայացուցիչների, ինչպես նաեւ ԵԽԽՎ-ում հայաստանյան պատվիրակության անդամների հետ: Ծրագրված են նաեւ հանդիպումներ ԵԱՀԿ ԺՀՄԻԳ ընտրությունների դիտորդական առաքելության ղեկավարի, Կենտրոնական ընտրական հանձնաժողովի նախագահի եւ Հակակոռուպցիոն կոմիտեի նախագահի, Տեղեկատվական համակարգերի գործակալության, դիվանագիտական կորպուսի, քաղաքացիական հասարակության եւ ԶԼՄ-ների ներկայացուցիչների հետ: Այցի արդյունքներով պատվիրակությունը հանդես կգա հայտարարությամբ: Հունիսի 7-ի ընտրությունների դիտարկման նպատակով Հայաստան կժամանի 22 անդամից բաղկացած ԵԽԽՎ լիակազմ պատվիրակություն:

Go to News Site