Ազատություն
«Ուժեղ Հայաստան»-ի առաջնորդ Սամվել Կարապետյանի ասուլիսից կարճ ժամանակ անց Հակակոռուպցիոն կոմիտեն հայտարարեց նրա կուսակցությանը վերագրվող հերթական ընտրակաշառքի գործի մասին: Իրավապահները հայտնեցին, որ ձերբակալել են Սամվել Կարապետյանի թիմի հետ առնչություն ունեցող անձանց: Ըստ վարույթի՝ Օրենբուրգում ապրող հայ գործարարը կազմակերպել է, որ «Ուժեղ Հայաստան»-ի օգտին քվեարկելու պայմանով ընտրողներին տարատեսակ խոստումներ տրվեն՝ օրինակ, զիջեն պարտքերը, աշխատանքի ընդունեն և ընտրակաշառքի այլ տարբերակներ: Հակակոռուպցիոնը չի բացահայտում, թե քանի հոգու է ձերբակալել և ովքեր են նրանք: Նշվում է նաև, որ ձերբակալվածները փորձել են խոչընդոտել Սիսիանի բնակիչների ընտրական իրավունի ազատ իրականացմանը՝ բռնություն գործադրելու սպառնալիքով: Հակակոռուպցիոնի հաղորդագրությունը հրապարակվեց հերթական գաղտնալսմամբ, որում ինչ որ անձինք ինչ-ինչ գումարներից են խոսում, զրույցներ կան նաև զենք վերցնելու մասին: Թե ովքեր են նրանք և ինչ պայմաններում է իրականացվել գաղտնալսումը, իրավապահները չեն մանրամասնում: Չնայած օր օրի ավելացող քրեական գործերին՝ Սամվել Կարապետյանն այսօր հերքել է գումար բաժանելու մասին իրավապահների պնդումները:
Go to News Site