කපිල චන්ද්‍රසේනගේ මරණය සැක සහිත බව පොලිසිය අධිකරණයට දන්වයි

ශ්‍රී ලංකන් ගුවන් සේවයේ හිටපු ප්‍රධාන විධායක නිලධාරී කපිල චන්ද්‍රසේන මහතාගේ මරණය සැකකටයුතු බවත්, ඒ පිළිබඳව අධිකරණ වෛද්‍ය නිලධාරීවරයාගේ පශ්චාත් මරණ පරීක්ෂණයක් සහ මහේස්ත්‍රාත් පරීක්ෂණයක් අවශ්‍ය බවත් කොල්ලුපිටිය පොලිසිය අද පෙරවරුවේ කොටුව මහේස්ත්‍රාත් පසන් අමරසේන මහතාට දැනුම් දුන්නේය. මෙම මරණය සියදිවි නසාගැනීමක් විය හැකි බවට මූලිකව විශ්වාස කළද, පවතින තත්ත්වයන් මත එය සැකකටයුතු බව පොලිසිය අධිකරණයට කරුණු වාර්තා කළේය. පොලිස් නිවේදනයෙන් පසුව මහේස්ත්‍රාත්වරයා වහාම මෘත දේහය තැන්පත් කර ඇති ස්ථානයට පිටත්ව ගිය අතර, ඒ හේතුවෙන් අධිකරණ වාරය තාවකාලිකව නතර කෙරුණි. මරණය සිදු වූ ස්ථානය මේ වන විටත් හදිසි මරණ පරීක්ෂකවරයා සහ අපරාධ ස්ථාන පරීක්ෂණ නිලධාරීන් විසින් පරීක්ෂාවට ලක් කර ඇති බව ද පොලිසිය වැඩිදුරටත් අධිකරණයට දන්වා සිටියේය. කපිල චන්ද්‍රසේන මහතාට එරෙහිව අල්ලස් කොමිසම පැවරූ නඩුවකට අදාළව නුසුදුසු ඇපකරුවන් ඉදිරිපත් කරමින් ඇප කොන්දේසි උල්ලංඝනය කිරීමේ චෝදනාව මත, ඔහු අත්අඩංගුවට ගැනීමට වරෙන්තුවක් නිකුත් කර තිබියදී මෙම අබිරහස් මරණය සිදුවීම විශේෂත්වයකි. මේ පුවත තව අයට බලන්න Facebook එකට Share කරන්න WhatsApp එකට Share කරන්න

Go to News Site