MNDAA ဢဝ်ႁူဝ်ၶေႃႈယႃႈမဝ်းၵမ်သေ တီႉၵူၼ်းၼုမ်ႇၼႂ်းတူင်ႇဝဵင်းလႃႈသဵဝ်ႈ 70 ပၢႆ

ၵူၼ်းၼုမ်ႇထုင်ႉဢီႇၼၢႆး ဝဵင်းလႃႈသဵဝ်ႈ ၺႃးသိုၵ်းၵဝ်ႈၵၢင်ႉ MNDAA ၼႄးဝႃႈၵဵဝ်ႇၵွင်ႉယႃႈမဝ်းၵမ်ၼႆသေ တီႉၺွပ်းၵႂႃႇလႆႈၽၢၵ်ႇလိူၼ်သၢဝ်းဝၼ်းယဝ်ႉယင်းပႆႇပွႆႇမႃးၶိုၼ်း- ပေႃးပီႈၼွင်ႉဢမ်ႇၵႂႃႇထုတ်ႇၸိုင် တေဢဝ်ၵႂႃႇႁဵတ်းလွၼ်ႉသိုၵ်း ၵဝ်ႈၵၢင်ႉ ၼႆလႄႈ ၸိူဝ်းဢမ်ႇမီးငိုၼ်း ဢမ်ႇမီးပီႈၼွင်ႉပဵၼ်ဢၼ်မႆႈၸႂ်။ ၵူၼ်းၼုမ်ႇထုင်ႉဢီႇၼၢႆးၼႆႉ ၺႃးတီႉၺွပ်းၵႂႃႇၸဵမ်မိူဝ်ႈဝၼ်းတီႈ 21/04/2026။ ပဵၼ်ၵူၼ်းပွတ်းဝၼ်ႈ 12 လၵ်း၊ 13 လၵ်း၊ မၢၼ်ႈတွင်း(ပလွင်ႈ)၊ ဝၢၼ်ႈဢီႇၼၢႆးၸိူဝ်းၼႆႉ တင်းမူတ်း 70 ပၢႆ ။ ၸၢႆးၼုမ်ႇတႆးၵေႃႉၼိုင်ႈ ယူႇဝဵင်းလႃႈသဵဝ်ႈလၢတ်ႈၽူႈတွႆႇႁွၵ်ႈဝႃႈ -“ ၶဝ်ၺွပ်းၵူၼ်းၼုမ်ႇ 70 ပၢႆသေ သူင်ႇၵႂႃႇသႅၼ်ဝီၵမ်းလဵဝ်။ ၵႂႃႇထတ်းယဵဝ်ႈထတ်းယႃႈ။ မၢင်ၸိူဝ်း ပေႃႈမႄႈ ပီႈၼွင်ႉ ၵႂႃႇထူပ်းသေ ၵႂႃႇထုတ်ႇတူဝ်မႃးၶိုၼ်း။ ပေႃးဢမ်ႇမီးၵူၼ်းမႃးထုတ်ႇတူဝ် တေဢဝ်ၵႂႃႇႁဵတ်းသိုၵ်းလွၼ်ႉ-ဝႃႇ”- ဝႃႈၼႆ ။ ယွၼ်ႉပိူဝ်ႈသိုၵ်းၵဝ်ႈၵၢင်ႉၵႆႉပႂ်ႉၺွပ်းၸွမ်းတႃႈၸွမ်းတၢင်းလႄႈ ယၢမ်းလဵဝ်ၵူၼ်းဝၢၼ်ႈဢမ်ႇႁတ်းၵႂႃႇမႃး ဢမ်ႇမီးလွင်ႈႁူမ်ႇလူမ်ႈ ဝႃႈၼႆ။ “တလဵဝ်ဢမ်ႇပေႃးမီးၽႂ်ႁတ်း ၶီႇရူတ်ႉၶိူင်ႈ ၶီႇရူတ်ႉၵႃးၵႂႃႇမႃးယဝ်ႉ။ ပေႃးတေၵႂႃႇလႃႈသဵဝ်ႈၵေႃႈ လႆႈၸႂ်ယႂ်ႇရူတ်ႉသၢႆ (လႅင်းၵႃး) ၵူၺ်းယဝ်ႉ။ ပေႃးၶဝ်ၶႆႈၺွပ်းၵူၼ်းၼႆ […] The post MNDAA ဢဝ်ႁူဝ်ၶေႃႈယႃႈမဝ်းၵမ်သေ တီႉၵူၼ်းၼုမ်ႇၼႂ်းတူင်ႇဝဵင်းလႃႈသဵဝ်ႈ 70 ပၢႆ appeared first on SHAN News .

Go to News Site