پاکستان اور بنگلہ دیش کا منشیات سمگلنگ کے خلاف معاہدہ

پاکستان کی وزارت داخلہ نے ہفتے کو کہا ہے کہ پاکستان اور بنگلہ دیش کے درمیان منشیات سمگلنگ کے خلاف اور دو طرفہ تعلقات کو مضبوط بنانے کے ایک معاہدے پر دستخط ہو گئے ہیں۔ یہ بیان پاکستانی وزیرِ داخلہ محسن نقوی کی ڈھاکہ میں اپنے بنگلہ دیشی ہم منصب صلاح الدین احمد سے ملاقات کے بعد سامنے آیا، جس میں دونوں وزرا نے معاہدے پر دستخط کیے۔ وزارت کے ایک بیان میں بتایا گیا کہ دونوں ممالک کے حکام نے انٹیلی جنس کے تبادلے اور انسدادِ منشیات ایجنسیوں کے درمیان مزید تعاون کا عہد کیا۔ پاکستانی وزارتِ داخلہ نے بیان میں کہا کہ: ’دونوں ممالک منشیات کی ترسیل اور سمگلنگ کو روکنے کے لیے مکمل طور پر ایک دوسرے کے ساتھ تعاون کریں گے۔‘ بیان میں مزید کہا گیا: ’منشیات کی غیر قانونی فروخت اور سپلائی لائنز کو توڑنے کے لیے ایک مشترکہ حکمتِ عملی تیار کی جائے گی۔‘ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) بیان کے مطابق دونوں حکام نے فیصلہ کیا کہ دونوں وزارتِ داخلہ کے درمیان ایک مشترکہ ورکنگ گروپ تشکیل دیا جائے اور دونوں ممالک کی متعلقہ ایجنسیاں منشیات کے سمگلروں اور نیٹ ورکس کے بارے میں بروقت معلومات کا تبادلہ کریں گی۔ پاکستانی وزارتِ داخلہ کے مطابق محسن نقوی اور ان کے بنگلہ دیشی ہم منصب نے دوطرفہ تعلقات پر بھی بات چیت کی اور داخلی سلامتی اور سول آرمڈ فورسز کی تربیت کے شعبوں میں تعاون بڑھانے پر اتفاق کیا۔ وزارت نے مزید بتایا کہ دونوں وزرا کے درمیان انسدادِ دہشت گردی اور انسانی سمگلنگ کی روک تھام میں تعاون بڑھانے پر بھی بات چیت ہوئی۔ پاکستان بنگلہ دیش محسن نقوی منشیات پاکستان کی وزارت داخلہ نے ہفتے کو کہا ہے کہ پاکستان اور بنگلہ دیش کے درمیان منشیات سمگلنگ کے خلاف اور دو طرفہ تعلقات کو مضبوط بنانے کے ایک معاہدے پر دستخط ہو گئے ہیں۔ انڈپینڈنٹ اردو ہفتہ, مئی 9, 2026 - 11:30 Main image:

آٹھ مئی 2026، کی اس تصویر میں پاکستانی وزیرداخلہ اپنی بنگلہ دیشی ہم منصب کے ہمراہ ڈھاکہ میں ایک معاہدے ہر دستخط کر رہے ہیں(وزارت داخلہ پاکستان)

ایشیا jw id: HVlEUPtR type: video related nodes: ترلائی مسجد حملے کا ماسٹر مائنڈ اور چار سہولت کار پکڑے گئے: محسن نقوی سال 2025 میں 73 ہزار سے زائد افراد آف لوڈ کیے گئے: محسن نقوی ٹی 20 ورلڈ کپ کھیلنے کا فیصلہ حکومت کرے گی: محسن نقوی چینی اے آئی ٹیکنالوجی سے انسداد دہشت گردی میں مدد مل سکتی ہے: محسن نقوی SEO Title: پاکستان اور بنگلہ دیش کا منشیات سمگلنگ کے خلاف معاہدہ copyright: show related homepage: Show on Homepage

Go to News Site