Kajgana
Хаос на уште еден крузер: Над 100 патници и членови на екипажот заразени со норовирус Филип Здравески 09.05.2026 / 11:06 Свет Повеќе од 100 лица се заразиле со норовирус на крузерот Caribbean Princess, потврди американскиот Центар за контрола и превенција на болести. Според официјалните податоци, симптоми на зараза досега пријавиле 102 патника и 13 членови на екипажот, кои се жалеле на повраќање и дијареја. Итна изолација и засилена дезинфекција Епидемијата е пријавена за време на крстарењето кое започна на 28 април, а треба да заврши на 11 мај. На бродот во моментов се наоѓаат вкупно 3.116 патници и 1.131 член на екипажот. Од компанијата Princess Cruises соопштија дека веднаш се преземени сите заштитни мерки: – Изолација: Сите заболени патници и вработени се ставени во изолација во своите кабини. – Хигиена: Екипажот ги засили мерките за чистење и дезинфекција на сите заеднички простории. – Тестирање: Прибрани се примероци за дополнителни лабораториски анализи. Бродот плови кон Флорида Според податоците од страницата CruiseMapper, крузерот во моментов се наоѓа во северозападниот дел на Атлантскиот Океан и плови кон Пуерто Плата во Доминиканската Република. Крајната дестинација е Порт Канаверал на Флорида, каде бродот треба да пристигне на 11 мај. Од компанијата нагласуваат дека по пристигнувањето во пристаништето, предвидено е целосно и темелно чистење на целиот објект пред да биде примена следната група патници. Четврта епидемија на крузери оваа година Норовирусот е исклучително заразен и брзо се шири во затворени простори каде престојуваат многу луѓе, поради што крузерите често се жаришта на вакви инфекции. Ова е веќе четврта регистрирана епидемија на гастроинтестинални заболувања на крузери од почетокот на 2026 година, што ги подгрева дебатите за хигиенските протоколи во оваа индустрија. крузер норовирус Автор/Извор Макфакс Прикажи во метро On
Go to News Site