日日健康 Healthy Days
《IT狗2.0》後日正式進入結局周，一眾主演今日搞咗個巴士巡遊快閃活動殺入旺角同尖沙咀，Frankie同霞姐搶住劇透，預告結局周會有「血流成河」同「體力勞動」嘅大場口，仲叫觀眾準備定紙巾睇劇？ Frankie阿霞預告結局周「血流成河」 ViuTV劇集《IT狗2.0》逢星期一至五晚上9時30分播放，劇集自開播以來網上討論度不斷攀升，今日劇組為答謝觀眾支持，特別舉行巴士巡遊快閃活動。Frankie@MIRROR、凌文龍、陳漢娜、余逸思、張錦霞及鄧子超齊齊現身，乘坐主題巡遊巴士走入鬧市，先後殺到旺角及尖沙咀等核心地段，沿途同大批市民熱情打招呼，吸引眾多粉絲圍觀拍照，場面超熱鬧。最令劇迷期待嘅係，Frankie同霞姐輪住預告嚟緊結局周會有血流成河、體力勞動嘅大場口，聽落就知結局絕對唔簡單！ 眾演員叫觀眾「準備定紙巾」暗示催淚結局 活動期間，演員們被問到結局周劇情走向時，竟然齊齊叫定大家要準備定紙巾睇劇，暗示劇情將會有大量洋蔥位。余逸思被問到同梁仲恆喺劇中會唔會開花結果，佢就賣關子冇正面回應，令劇迷更加心癢難耐。霞姐亦特別提到前日有集係陳宇琛復刻其爸爸石修20年前嘅經典場口，笑言可以親身睇到感到好安慰，可見結局周將會有唔少致敬同感動位。 IT狗2.0劇情 第1-15集第二周更新！葉念信慘變信狗 Lisa繼續督促阿信清理門戶 IT狗2.0結局周11-15集劇情｜阿信淪為世紀騙徒 逐集拆解Web3未來震撼收場 IT狗2.0｜陳宇琛子承父業神還原石修22年前催眠術 經典對白「一滴兩滴三滴」再現 網民：致敬大台 IT狗2.0｜金像級配樂師1句爆笑劇透 首度公開播出時間 幕後才子背景大曝光 凌文龍自嘲崩壞AK《信之卷》爆笑揭趷腳BTS 小龍凌文龍喺劇集中開金口唱AK嘅《信之卷》引起極大迴響，佢今日自嘲ruin咗首歌，搞到全場爆笑。佢仲爆料同AK愛的抱抱嗰陣因為身高差要趷腳，呢個幕後花絮令粉絲覺得超可愛。最搞笑嘅係，當被問及同Hanna陳漢娜嘅感情線發展時，小龍突然公開爭取同AK、Stanley拍三角戀BL情節，仲反問Hanna放唔放人，估唔到佢咁大膽！.. 這篇文章 IT狗2結局周｜Frankie阿霞預告「血流成河」凌文龍自嘲唱衰AK神曲 最早出現於 東方新地 。
Go to News Site