Fréttastofa RÚV
Glódís Perla Viggósdóttir tók í dag við meistaraskildinum fyrir hönd Bayern München sem tryggði sér Þýskalandsmeistaratitilinn í fótbolta á dögunum. Skjöldurinn fór á loft eftir 2-0 sigur Bayern gegn Frankfurt í síðasta heimaleik meistaranna á tímabilinu. Skjöldurinn afhentur Glódísi Perlu.IMAGO / Ulrich Wagner Yfirburðir Bayern í deildinni eru töluverðir og í apríl var þegar ljóst að liðið yrði Þýskalandsmeistari. Glódís Perla er fyrirliði Bayern og því var skjöldurinn afhentur henni til lyftingar að leik loknum. Glódís Perla lyftir skildinum í dag.IMAGO / Ulrich Wagner
Go to News Site