Hart barist í Líbanon þrátt fyrir vopnahlé – 39 drepnir í loftárásum í gær

Að minnsta kosti 39 voru drepnir í loftárásum Ísraelshers á Líbanon í gær, samkvæmt heilbrigðisráðuneyti landsins. Árásir hafa gengið á víxl milli hersins og Hezbollah-samtakanna, þrátt fyrir að vopnahlé hafi verið milli Ísraels og Líbanon síðan 16. apríl. Ísraelsher hefur beint árásum sínum á innviði og fólk tengt Hezbollah-samtökunum. Þau segjast hafa gert drónaárásir á ísraelska hermenn í suðurhluta landsins sem viðbragð við loftárásunum. Samkvæmt upplýsingum frá heilbrigðisráðuneyti Líbanons hafa rúmlega 120 verið drepnir í loftárásum Ísraelshers í síðustu viku og í morgun hafi minnst tveir látist í loftárásum Ísraelshers og fimm særst. Íbúar leita að fólki á lífi í húsarústum í þorpinu Saksakieh í suðurhluta Líbanon, í kjölfarið á loftárás Ísraelshers 9. maí 2026.AP / Mohammed Zaatari

Go to News Site