ထၵ်းသိၼ် ၸွမ်ၽွင်းလူင်ၵဝ်ႇမိူင်းထႆး ဢွၵ်ႇၶွၵ်ႈမႃးၶိုၼ်းယဝ်ႉ

မိူဝ်ႈၼႆႉ 11/5/2026 ယၢမ်းၵၢင်ၼႂ် 7 မူင်း 40 မိၼိတ်ႉ ထၵ်းသိၼ်သျိၼ်ႊၼဝတ်ႊ ၸွမ်ၽွင်းလူင်ၵဝ်ႇမိူင်းထႆး ၵေႃႉၺႃး လုမ်းတြႃးတႅပ်းတတ်းပၼ်တူတ်ႈတၢမ်ႇၶွၵ်ႈၶင် ႁိုင်ၼၢၼ်း 8 ပီသေတႃႉ ယွၼ်ႉၶုၼ်ႁေႃၶမ်းထႆး ယွၼ်ႇယွမ်းပၼ်ၶိုၼ်းတၢမ်ႇၶွၵ်ႈလႄႈ ႁႂ်ႈပဵၼ် 1 ပီ ယၢမ်းလဵဝ်လႆႈလွတ်ႈဢွၵ်ႇၶွၵ်ႈမႃးၶိုၼ်း ၼႆယဝ်ႉ။ ထၵ်းသိၼ်သျိၼ်ႊၼဝတ်ႊၼႆႉ လႆႈယူႇၼႂ်းၶွၵ်ႈၶင်ႁိုင်ၼၢၼ်း 8 လိူၼ် 243 ဝၼ်း ၵဵဝ်ႇလူၺ်ႈတၢင်းၽိတ်း လွင်ႈၵိၼ်သူးၵိၼ်လၢပ်ႈ ၵၢၼ်ၸႂ်ႉဢႃႇၼႃႇၽိတ်းတီႈၸိူဝ်းၼၼ်ႉ။ တူတ်ႈတၢမ်ႇၶွၵ်ႈၶင်မၼ်းၸၢႆး တိုၵ်ႉၵိုတ်းယူႇထႅင်ႈလႄႈ ၼႂ်းၶၢဝ်းတၢင်းၼၼ်ႉ တေလႆႈသႂ်ႇၶိူင်ႈ (EM Bracelet) ဢၼ်ၸၢင်ႈပၵ်းတႃပႂ်ႉတူၺ်းၸွမ်းဝႆႉ တီႈတိၼ်မၼ်းၸၢႆးဝႆႉထႅင်ႈ တေႃႇပေႃးပူၼ်ႉ တၢင်းၽိတ်း မိူဝ်ႈ 9/9/2026 ၼႆယဝ်ႉ။ ၽွင်းထၵ်းသိၼ် ဢွၵ်ႇၶွၵ်ႈၶင်မႃးၼၼ်ႉ လုၵ်ႈယိင်းမၼ်း ၽႄႊထွင်ႊထၢၼ်ႊသျိၼ်ႊၼဝတ်ႊ လႄႈ ၽူႈၶဝ်ႈၸုမ်း ပႃႇတီႇၽိူဝ်ႉထႆး တင်း ၵူၼ်းၼုင်ႈသိူဝ်ႈၶူဝ်းသီလႅင်ၵႂႃႇပႂ်ႉႁပ်ႉ ၼပ်ႉ ႁူဝ်ႁဵင်ၵေႃႉ မီးဝႆႉယူႇတၢင်းၼွၵ်ႈၶွၵ်ႈၶင်မိူင်းထႆး။ […] The post ထၵ်းသိၼ် ၸွမ်ၽွင်းလူင်ၵဝ်ႇမိူင်းထႆး ဢွၵ်ႇၶွၵ်ႈမႃးၶိုၼ်းယဝ်ႉ appeared first on SHAN News .

Go to News Site