Kajgana
Германски судија ќе ја дели правдата на финалето меѓу ПСЖ и Арсенал УЕФА ЛИГА НА ШАМПИОНИ 2025/2026 ФИНАЛЕ Филип Здравески 11.05.2026 / 16:50 Фудбал Европската фудбалска асоцијација денеска ги објави имињата на судиите за претстојното финале на најсилното клупско натпреварување, па така бранителот на континенталниот трон, Пари Сен-Жермен и предизвикувачот Арсенал дознаа дека Даниел Зиберт ќе им суди во финалниот натпревар од Лигата на шампионите во Будимпешта. Лондонскиот клуб мораше да се справи со гореспоменатиот Германец за време на полуфиналето со Атлетико, а познато е и дека на Зиберт ќе му помагаат неговите сонародници Јан Зајдел и Рафаел Фолтин, додека како помошен судија ќе биде Швајцарецот Сандро Шерер. ВАР просторијата ќе ја окупираат Германците Бастиан Данкерт и Роберт Шредер, заедно со Шпанецот Карлос дел Серо Гранде. Daniel Siebert und sein Team leiten das Finale der Champions League zwischen Paris Saint-Germain und Arsenal in Budapest. Neben Siebert sind auch die Assistenten Jan Seidel und Rafael Foltyn im Einsatz. Vierter Offizieller ist der Schweizer Sandro Schärer. Video-Assistenten… pic.twitter.com/aaafWk1xOA — Sky Sport (@SkySportDE) May 11, 2026 Најважното ќе зависи од француските „Светци“ и англиските „Топчии“, бидејќи и двата имаат доволно силни трикови во својот шпил карти, единственото прашање е како ќе ги искористат. И каков ефект ќе им донесе тоа во големите 90 минути за одлучување за сопственикот на ушестиот пехар за сезоната 2025/2026. Фудбалските фанови се надеваат на спектакл достоен за важноста на настанот. Финалето е закажано за 30 мај од 18:00 часот на „Пушкаш Арената“ во унгарската престолнина Будимпешта. Лига на шампиони Автор/Извор Ф.З. Прикажи во метро On
Go to News Site