ယနေ့ မေ ၁၂ ရက်နံနက်အစောပိုင်းက ရန်ကုန်ရှိ မြို့နယ်(၂)ခုတွင် မီးလောင်မှု(၂)ခုဖြစ်ပွား

Credit to Popular Journal - ယနေ့ မေ ၁၂ ရက်နံနက်အစောပိုင်းက ရန်ကုန်တိုင်း၊ အလုံမြို့နယ်နှင့် လှိုင်သာယာ(အနောက်ပိုင်း)မြို့နယ်တို့တွင် မီးလောင်မှုများ၊ ယမန်နေ့ မေ ၁၁ ရက်ညပိုင်းက တိုက်ကြီးမြို့နယ်တွင် ယာဥ်တိုက်မှုတို့ဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။ အလုံမြို့နယ်၊ ကမ်းနားလမ်းသစ်၊ အေးရှားဝေါရှေ့တွင် နံနက် ၄ နာရီ ၅၃ မိနစ်ခန့်က ထွေလာ(၁)စီးမီးလောင်မှုဖြစ်ပွား၍ သက်ဆိုင်ရာ မီးသတ်တပ်ဖွဲ့ဝင်များမှငြှိမ်းသတ်ခဲ့ကြရာ နံနက် ၅ နာရီ ၅ မိနစ်တွင် မီးငြိမ်းသွားခဲ့ကြောင်း သိရသည်။ ထို့ပြင် နံနက် ၁၂ နာရီ ၂၁ မိနစ်ခန့်ကလည်း လှိုင်သာ ယာ(အနောက်ပိုင်း)မြို့နယ်၊ အမှတ်(၁၁)ရပ်ကွက်၊ အနော်ရထာလမ်းနှင့် ပဲခူးလမ်းထောင့်တွင် မီးလောင်မှုဖြစ်ပွား၍ သက်ဆိုင်ရာ မီးသတ်တပ်ဖွဲ့ဝင်များမှငြှိမ်းသတ်ခဲ့ကြရာ နံနက် ၁၂ နာရီ ၄၂ မိနစ်တွင်မီးငြိမ်းသွားခဲ့ကြောင်း သိရသည်။ The post ယနေ့ မေ ၁၂ ရက်နံနက်အစောပိုင်းက ရန်ကုန်ရှိ မြို့နယ်(၂)ခုတွင် မီးလောင်မှု(၂)ခုဖြစ်ပွား appeared first on Popular .

Go to News Site