ဝႃႉ လႄႈ သိုၵ်းမၢၼ်ႈ ဢဝ်ၶႄႇၸိူဝ်းႁဵတ်းၵၢၼ်ၵျႃႊၽျႅၼ်ႉ မွပ်ႈပၼ်ၶိုၼ်း မိူင်းၶႄႇ

ႁူဝ်လိူၼ်မေႊၼႆႉ ၸုမ်းသိုၵ်းဝႃႉ ၸုမ်းသိုၵ်းမိူင်းလႃး လႄႈ ၸုမ်းသိုၵ်းမၢၼ်ႈ တီႉၺွပ်းဢဝ် ၵူၼ်းမိူင်းၶႄႇ ၸိူဝ်းၶဝ်ႈမႃးႁဵတ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆး (ၵျႃႊ ၽျႅၼ်ႉ) သူင်ႇမွပ်ႈပၼ်ၶိုၼ်းတီႈ လူင်ပွင်ၸိုင်ႈမိူင်းၶႄႇ။ မိူဝ်ႈဝႃး ဝၼ်းတီႈ 11/5/2026 ယၢမ်းၵၢင်ၼႂ် သိုၵ်းမၢၼ်ႈဢဝ်ၵူၼ်းႁဵတ်းၵၢၼ်ၵျႃႊၽျႅၼ်ႉ ၵႂႃႇမွပ်ႈသူင်ႇ ပၼ်ၶိုၼ်းတီႈ လူင်ပွင်ၸိုင်ႈမိူင်းၶႄႇ တီႈၽၵ်းတူၶၢမ်ႈလႅၼ်လိၼ် မိူင်းမၢၼ်ႈ-မိူင်းၶႄႇ ၵဵတ်ႉလၢၼ်ႇမၢၼ်ႈဝဵင်း ။ ၵူၼ်းမိူင်းပိုၼ်ႉတီႈ ၼႂ်းၸႄႈဝဵင်းမူႇၸေႊ လၢတ်ႈၼႄတီႈၽူႈတွႆႇႁွၵ်ႈဝႃႈ “လႆႈႁၼ်ၶဝ်ႁွင်ႉၵူၼ်းၶႄႇၸိူဝ်းၼၼ်ႉ ၵႂႃႇၼင်ႈၶပ်ႉဝႆႉၼႃႈၽၵ်းတူၶၢမ်ႈလႅၼ်လိၼ်။ ၶဝ်တေဢၢပ်ႈပၼ်တီႈ ၶႄႇၶိုၼ်းၼႆဢေႃႈ။ မိူဝ်ႈၵႂႃႇသူင်ႇၼၼ် လႆႈႁၼ်ပလိၵ်ႈၶဝ် ပႃးၶိူင်ႈၵွင်ႈၵၢင်ႇသေ ဢဝ်ႁူမ်ႇလူမ်ႈပႂ်ႉဝႆႉ။ ၶဝ်ငွမ်ဝႆႉၶႃႈၼႃႇ တင်းၼမ်တႄႉ တေမီးမွၵ်ႈ 70 ၵေႃႉၸိူဝ်းၼႆႉယူႇၶႃႈ ဢေႃႈ” ဝႃႈၼႆ။ ၸုမ်းသိုၵ်းဝႃႉ (UWSA) ၵေႃႈ လႆႈၼမ်းဢဝ် ၵူၼ်းမိူင်းၶႄႇ ႁဵတ်းၵၢၼ်ၵျႃႊၽျႅၼ်ႉ ၸိူဝ်းတီႉၺွပ်းလႆႈဝႆႉၼၼ်ႉ သူင်ႇမွပ်ႈပၼ်ၶိုၼ်း တီႈလူင်ပွင်ၸိုင်ႈမိူင်းၶႄႇ ႁူမ်ႈတင်း ၶိူင်ႈၸႂ်ႉၶူဝ်းတိုဝ်းၼႂ်းၵၢၼ်လွၵ်ႇလႅၼ်ၵိၼ်ငိုၼ်းတင်း ဢွၼ်ႊလၢႆး ၼႆယဝ်ႉ။ […] The post ဝႃႉ လႄႈ သိုၵ်းမၢၼ်ႈ ဢဝ်ၶႄႇၸိူဝ်းႁဵတ်းၵၢၼ်ၵျႃႊၽျႅၼ်ႉ မွပ်ႈပၼ်ၶိုၼ်း မိူင်းၶႄႇ appeared first on SHAN News .

Go to News Site