Legjenda e klubit e vë në dyshim transferimin e Cole Palmer nga Man Utd

Paul Scholes ka hedhur dyshime mbi raportet që e lidhin Cole Palmer me një transferim te Manchester United gjatë verës , duke vënë në dyshim se ku do të përshtatej ylli i Chelseat në skuadrën aktuale. Palmer ka qenë një nga emrat e mëdhenj të lidhur me një transferim në Old Trafford, për të forcuar skuadrën për sezonin e ri, por sipas një legjende të klubit, ylli i Chelseat është i panevojshëm për Djajtë e Kuq. “Nuk e shoh se ku luan ai për United, ky është problemi. E shoh në një pozicion të ngjashëm me Brunon. Ai nuk do të jetë aq ndikues sa ka qenë Bruno në këtë ekip”, ka thënë Scholes për talkSPORT . Tri formacionet e mundshme të Man Utd nëse realizohet transferimi sensacional i Cole Palmer Legjenda e Unitedit pranoi cilësinë e Palmer si lojtar fitues, por beson se Bruno Fernandes mbetet numri 10 i qartë. Ai sugjeroi që lojtari reprezentues i Anglisë mund të veprojë nga e djathta, por theksoi se ekuilibri i skuadrës është çelësi. Scholes i kërkoi United të nënshkruante dy mesfushorë qendrorë të nivelit të lartë këtë verë, duke përmendur Elliot Anderson të Nottingham Forest si objektivin e tij kryesor për t'u bashkuar me Kobbie Mainoo. Ai gjithashtu bëri thirrje për më shumë qendërmbrojtës fizikë, pasi sipas tij këtu çalon ekipi. /Telegrafi/

Go to News Site