امریکی صدر ٹرمپ کی چینی ہم منصب سے گریٹ ہال میں ملاقات، اہم امور پر گفتگو متوقع

امریکی صدر ٹرمپ چینی صدر شی جن پنگ سے ملاقات کے لیے بیجنگ کے گریٹ ہال آف دی پیپل پہنچ چکے ہیں جہاں چینی صدر نے ان کا استقبال کیا۔ امریکی صدر ڈونلڈ ٹرمپ اور چینی رہنما شی جن پنگ جمعرات کو بیجنگ میں اپنی ملاقات میں دونوں سپر پاورز کو تقسیم کرنے والے پیچیدہ مسائل پر بات چیت کریں گے، جن میں ایران، تجارت اور تائیوان کے معاملات شامل ہیں۔ امریکی صدر کے وفد میں کاروباری شخصیات  شامل ہیں جن کی خواہشات کی فہرست میں زراعت، ہوائی جہازوں اور دیگر موضوعات پر تجارتی معاہدے سر فہرست ہوں گے۔ دونوں رہنما شام کو ہال میں ایک سرکاری عشائیے میں بھی شریک ہوں گے اور ٹرمپ تاریخی ٹیمپل آف ہیون کا دورہ کریں گے جو ایک عالمی ثقافتی ورثہ ہے جہاں کبھی چین کے شہنشاہ اچھی فصل کے لیے دعا کیا کرتے تھے۔ امریکی صدر دو روزہ سربراہ ملاقات کے لیے بدھ کی رات گئے ایئر فورس ون پر چین پہنچے، ان کے ہمراہ اعلیٰ شخصیات بھی تھے جن میں این ویڈیا کے جینسن ہوانگ اور ٹیسلا کے ایلون مسک شامل ہیں جو ان تجارتی معاہدوں کی علامت ہیں جنہیں طے کرنے کی ٹرمپ امید رکھتے ہیں۔ ان کا ریڈ کارپٹ استقبال کیا گیا، سفید لباس میں ملبوس 300 چینی نوجوانوں نے ایک ساتھ ’خوش آمدید‘ کہا اور چھوٹے چینی اور امریکی پرچم لہرائے جبکہ صدر ہوا میں مکہ لہراتے ہوئے صدارتی طیارے کی سیڑھیوں سے نیچے اترے۔ جمعے کو ٹرمپ اور شی چائے پیئیں گے اور ورکنگ لنچ کریں گے جس کے بعد امریکی صدر واپس واشنگٹن روانہ ہو جائیں گے۔ بیجنگ کا یہ دورہ چین تقریباً ایک دہائی میں کسی امریکی صدر کا پہلا دورہ ہے، اس سے قبل ٹرمپ نے 2017 میں دورہ کیا تھا اور اس بار کے برعکس تب ان کی اہلیہ میلانیا بھی ان کے ہمراہ تھیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اس پہلے دورے کے بعد ٹرمپ نے چینی مصنوعات پر ٹیرف اور پابندیوں کی بوچھاڑ کر دی تھی۔ انہوں نے گذشتہ سال وائٹ ہاؤس واپس آنے کے بعد بھی ایسا ہی کیا جس سے ایک تجارتی جنگ چھڑ گئی، تاہم اکتوبر میں شی اور ٹرمپ ایک عارضی صلح پر رضامند ہو گئے۔ ’بڑا معانقہ‘ ڈونلڈ ٹرمپ نے کہا ہے کہ وہ شی کی جانب سے ایک ’بہت بڑے معانقے‘ کی توقع کر رہے ہیں کیوں کہ انہیں چینی رہنما کے ساتھ اپنے اس تعلق پر بھروسہ ہے جسے وہ ایک مضبوط ذاتی تعلق سمجھتے ہیں، جن کے بارے میں انہوں نے تعریفی انداز میں کہا ہے کہ وہ چین پر ’آہنی ہاتھوں‘ سے حکومت کرتے ہیں۔ ٹیرف پر صلح؟ گذشتہ سال ڈونلڈ ٹرمپ کی جانب سے بڑے پیمانے پر ٹیرف عائد کیے جانے کے بعد، جس کے نتیجے میں جوابی ٹیکس 100 فیصد سے تجاوز کر گئے تھے، دونوں ممالک کے درمیان طویل عرصے سے سلگتی ہوئی تجارتی جنگ بھی ایجنڈے میں سر فہرست ہوگی۔ ٹرمپ اور شی ایک سالہ ٹیرف صلح میں توسیع پر بات چیت کریں گے، جو اکتوبر میں جنوبی کوریا میں ان کی آخری ملاقات کے دوران دونوں رہنماؤں کے درمیان طے پائی تھی، اگرچہ کوئی معاہدہ طے پانا یقینی نہیں ہے۔ چین امریکہ صدر ڈونلڈ ٹرمپ شی جن پنگ امریکی صدر ٹرمپ چینی صدر شی جن پنگ سے ملاقات کے لیے بیجنگ کے گریٹ ہال آف دا پیپل پہنچے جہاں چینی صدر نے ان کا استقبال کیا۔ اے ایف پی جمعرات, مئی 14, 2026 - 07:15 Main image:

14 مئی، 2026 کی اس تصویر میں چینی صدر شی جن پنگ کو امریکی صدر ٹرمپ کا دی گریٹ ہال آف دی پیپل پہنچنے پر استقبال کرتے دیکھا جا سکتا ہے(اے ایف پی)

دنیا type: news related nodes: ٹرمپ چین میں موجود: ایران جنگ، تجارت اور تائیوان پر بات چیت متوقع چین ٹرمپ کے دورے سے کیا حاصل کرنا چاہتا ہے؟ چین: بدعنوانی الزامات پر دو سابق وزرائے دفاع کو سزائے موت سنا دی گئی چین: بدعنوانی الزامات پر دو سابق وزرائے دفاع کو سزائے موت سنا دی گئی SEO Title: امریکی صدر ٹرمپ کی چینی ہم منصب سے گریٹ ہال میں ملاقات، اہم امور پر گفتگو متوقع copyright: show related homepage: Show on Homepage

Go to News Site