អាជ្ញាធរខណ្ឌច្បារអំពៅរកឃើញជនបរទេស ៣៩នាក់ សង្ស័យពាក់ព័ន្ធករណី Online Scam

ភ្នំពេញ៖ អាជ្ញាធរខណ្ឌច្បារអំពៅ ដឹកនាំដោយលោក ម៉ូវ ម៉ានិត អភិបាលខណ្ឌ និងមានការសម្របសម្រួលពីលោក ទិន សុចិត្រា ព្រះរាជអាជ្ញារង កាលពីថ្ងៃទី១៤ ខែឧសភា ឆ្នាំ២០២៦ បានចុះត្រួតពិនិត្យរដ្ឋបាលនៅភោជនីយ៍ដ្ឋានតុងផឹងចំការកម្សាន្ត ស្ថិតក្នុងសង្កាត់វាលស្បូវ។ ជាលទ្ធផល សមត្ថកិច្ចបានរកឃើញជនបរទេសសរុប ៣៩នាក់ (ស្រី ៤នាក់) សង្ស័យពាក់ព័ន្ធសកម្មភាព Online Scam។ ក្នុងនោះ មានលិខិតឆ្លងដែន ១៧នាក់ ត្រូវបានអប់រំ និងអនុញ្ញាតឱ្យចាកចេញ។ ចំណែក ២២នាក់ (ស្រី ៣នាក់) គ្មានលិខិតឆ្លងដែន មានជនជាតិចិន មីយ៉ាន់ម៉ា និងម៉ាឡេស៊ី ត្រូវបានរកឃើញថាស្នាក់នៅខុសច្បាប់។ បច្ចុប្បន្ន ជនបរទេស ២២នាក់ ត្រូវបានប្រគល់ឱ្យស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនីតិវិធីច្បាប់បន្ត៕ជ្រោយពេជ្រេ

Go to News Site