Nokorwat News
ភ្នំពេញ៖ បុរសជនជាតិចិនម្នាក់បេីករថយន្តបុករបាំងថ្មពុះចែកបង្កាន់ដៃស្ពានអាកាសក្បាលថ្នល់ បណ្ដាលឲ្យរងការខូចខាត ចំណែកឯរថយន្ដរងការខូចខាតយ៉ាងដំណំ ។ ហេតុការណ៍នេះបានកើតឡើងកាលពីវេលាម៉ោង១និង២០នាទី រំលងអធ្រាត្រឈានចូល ថ្ងៃទី១៩ ខែឧសភា ឆ្នាំ២០២៦ ស្ថិតនៅគល់ស្ពានអាកាសក្បាលថ្នល់ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តឡិចស៉ីសRX 350 ពណ៌ស ពាក់ស្លាកលេខភ្នំពេញ2AN 8938 ធ្វេីដំណេីរតាមបណ្តោយផ្លូវព្រះនរោត្តម ក្នុងទិសដៅពីជេីងទៅត្បូងលុះមកដល់ចំណុចកេីតហេតុក៏ជ្រុលបុកគល់ស្ពានរបាំងថ្មពុះចែកផ្លូវនៅស្ពានអាកាសក្បាលថ្នល់បណ្តាលឲ្យរងការខូចខាត។ ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វេីការវាស់វែងយករថយន្ដ ទៅរក្សាទុករង់ចាំការដោះស្រាយនៅពេលក្រោយ ៕ដោយ៖សុខាសែនជ័យ
Go to News Site