Ազատություն
ԱՄՆ Կալիֆոռնիա նահանգի Սան Դիեգո քաղաքի մզկիթում հրաձգության հետևանքով երեք մարդ է զոհվել, այդ թվում՝ անվտանգության աշխատակիցը։ Երկու ենթադրյալ հարձակվողները նույնպես մահացած են հայտնաբերվել, հաղորդում են ամերիկյան լրատվամիջոցները։ Ոստիկանության տվյալներով՝ ենթադրյալ հարձակվողները 17 և 18 տարեկան էին։ Նրանց հայտնաբերել են մզկիթի մոտակայքում գտնվող մեքենայում։ CNN-ի աղբյուրների փոխանցմամբ՝ զենքերից մեկի վրա ատելություն արտահայտող գրություններ են եղել։ Սան Դիեգոյի հրաձգությունից հետո Նյու Յորքի, Վաշինգտոնի և Լոս Անջելեսի ոստիկանությունները հայտարարել են, որ անվտանգության նկատառումներով ուժեղացնում են ներկայությունը մզկիթների և այլ կրոնական հաստատությունների մոտ։
Go to News Site