کیا انڈین فینز اس بار فٹ بال ورلڈ کپ نہیں دیکھ پائیں گے؟

انڈیا بھر میں کروڑوں فٹ بال شائقین اگلے ماہ ہونے والے ورلڈ کپ کو دیکھنے سے محروم ہونے کے خطرے سے دوچار ہو چکے ہیں جب کہ فیفا حکام ایک نشریاتی معاہدے کو حتمی شکل دینے کی کوشش میں اس وقت ملک میں موجود ہیں۔ عالمی گورننگ باڈی ابھی تک ٹورنامنٹ کے لیے کوئی معاہدہ طے نہیں کر سکی ہے، جس کی بڑی وجہ قیمتوں پر پائے جانے والے نمایاں اختلافات ہیں۔ اس تعطل کا مطلب یہ ہے کہ 11 جون کو ورلڈ کپ شروع ہونے والا ہے، اور نشریاتی بنیادی ڈھانچہ قائم کرنے اور اشتہارات فروخت کرنے کے لیے اب صرف تین ہفتے باقی ہیں۔ یہ صورت حال چین کے بالکل برعکس ہے، جہاں گذشتہ ہفتے ایک نشریاتی معاہدہ طے پانے کے بعد اسی طرح کا تعطل ختم ہو گیا تھا۔ فیفا کے منصوبوں سے باخبر ذرائع اس بات کی تصدیق کرتے ہیں کہ میڈیا رائٹس کے ایگزیکٹوز انڈیا میں موجود ہیں، تاہم ان کی ملاقاتوں اور ایجنڈے کی تفصیلات سامنے نہیں لائی گئیں۔ فیفا نے روئٹرز کو دیے گئے ایک بیان میں تصدیق کی کہ وہ 180 سے زائد خطوں میں معاہدے مکمل کر چکا ہے، اور مزید کہا کہ انڈیا میں میڈیا حقوق کے حوالے سے بات چیت جاری ہے اور ’اس مرحلے پر اسے خفیہ رکھا جانا چاہیے۔‘ گذشتہ اطلاعات سے ظاہر ہوتا ہے کہ انڈیا کی سب سے بڑی میڈیا کمپنی، ریلائنس ڈزنی جوائنٹ وینچر، اور فیفا کے درمیان بات چیت رک چکی ہے۔ ریلائنس ڈزنی جوائنٹ وینچر نے فیفا کے حقوق کے لیے دو کروڑ ڈالر کی پیشکش کی تھی۔ روئٹرز کی رپورٹ کے مطابق، اس کی وجہ سے اختلاف پیدا ہوا کیوں کہ فیفا نے ابتدائی طور پر 10 کروڑ ڈالر مانگے تھے تاہم وہ کم از کم چھ کروڑ ڈالر کے لگ بھگ کی توقع کر رہا تھی۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) انڈین مارکیٹ کے ایک اور بڑے نام، سونی نے بولی لگانے سے گریز کیا۔ ارب پتی مکیش امبانی کی قیادت میں ریلائنس ڈزنی وینچر نے اس بات پر تبصرہ کرنے سے انکار کر دیا کہ آیا فیفا کے ساتھ کوئی ملاقات طے ہے۔ ڈیلائٹ اور گوگل کی 2024 کی رپورٹ کے مطابق، کرکٹ کے غلبے کے باوجود انڈیا میں فٹ بال کے مداحوں کی ایک بڑی تعداد موجود ہے، جن کی تعداد کرکٹ کے 49.2 کروڑ کے مقابلے میں تقریباً 8.5 کروڑ ہے۔ 2022 کے ورلڈ کپ کے دوران عالمی لینیئر ٹی وی کی رسائی میں انڈیا کا حصہ 2.9 فیصد تھا، جو داؤ پر لگے ممکنہ ناظرین کو نمایاں کرتا ہے۔ ورلڈ کپ کی میزبانی امریکہ، میکسیکو اور کینیڈا کریں گے، اور یہ 11 جون سے 19 جولائی تک جاری رہے گا۔ افتتاحی میچ میں شریک میزبان میکسیکو کا مقابلہ میکسیکو سٹی میں جنوبی افریقہ سے ہوگا۔ یہ اس میچ کی تکرار ہوگی جس سے 2010 کے ورلڈ کپ کا آغاز ہوا تھا۔ تھامس ٹوچل کی انگلینڈ کی ٹیم 17 جون کو ٹیکساس میں اپنا پہلا میچ کروشیا کے خلاف کھیلے گی، جس کے بعد وہ گروپ مرحلے میں گھانا اور پاناما کا سامنا کرے گی۔ فیفا ورلڈ کپ 2026 فیفا انڈیا فٹ بال ورلڈ کپ فیفا حکام 11 جون کو شروع ہونے والے فٹ بال ورلڈ کے حوالے سے کا تنازع نمٹانے کے لیے انڈیا پہنچ گئے۔ آدتیہ کالرا، منصف وینگاتل منگل, مئی 19, 2026 - 11:45 Main image:

ممبئی میں 14 دسمبر 2025 کو لیونل میسی کے دورے کے دوران ایک انڈین فین نے ان کے نام کا پوسٹر اٹھا رکھا ہے (فائل فوٹو/ اے ایف پی)

کھیل type: news related nodes: فیفا ورلڈ کپ میں اس بار کون سے نوجوان ستارے جگمگائیں گے؟ متوقع شائقین میں کمی، فیفا ورلڈ کپ سے پہلے امریکی ہوٹل سستے: رپورٹ فیفا ورلڈ کپ فائنل کی ٹکٹس اوپن مارکیٹ میں 11 ہزار ڈالر کی فیفا ورلڈ کپ 2026 فاتحین کو ریکارڈ 5 کروڑ ڈالر انعامی رقم دے گا SEO Title: کیا انڈین فینز اس بار فٹ بال ورلڈ کپ نہیں دیکھ پائیں گے؟ copyright: IndependentEnglish origin url: https://www.independent.co.uk/sport/football/world-cup/india-fifa-world-cup-2026-tv-broadcast-deal-b2979128.html show related homepage: Hide from Homepage

Go to News Site