Две жртви во украински напади со дронови врз руската Самарска област

Двe лица загинаа ноќеска при украински напад со дрон врз градот Сизран во руската Самарска област, соопшти гувернерот Вјачеслав Федорищев преку апликацијата „Телеграм“. Сизран се наоѓа на реката Волга и е оддалечен околу илјада километри од границата со Украина. Инаку, во Сизран се наоѓа и голема рафинерија за нафта, што ја прави областа важна од енергетската гледна точка за руското стопанство. Напади со украински дрнови имало и во пограничната Белгородска област, шри што во два напади врз возила биле ранети три лица. Во текот на ноќта била прогласена воздушна тревога во неколку региони во Русија, а има и извештаи за затворени аеродроми. Украинските власти пак јавуваат за напади врз источниот град Днипро, при што е повредена една жена. Русија и Украина речиси секоја ноќ меѓусебно се напаѓаат со дронови, четири години по почетокот на руската воена интервенција врз соседнаата држава.

Go to News Site