چکوال یونیورسٹی میں اسرائیلی پرچم لگانے کے واقعے کی تحقیقات کا آغاز

پنجاب کے شہر چکوال کی سرکاری یونیورسٹی کی ایک تقریب میں اسرائیلی پرچم لگانے پر شدید تنقید کے بعد جامعہ نے جمعرات کو اسے ’نامناسب حرکت‘ قرار دیتے ہوئے اس حوالے سے تحقیقات کا آغاز کر دیا ہے۔ سوشل میڈیا پر یونیورسٹی آف چکوال میں منعقدہ ایک تقریب کی ایک مختصر ویڈیو وائرل ہے جس میں دیگر ممالک کے پرچموں کے بیچ اسرائیل کا پرچم بھی دیکھا جا سکتا ہے۔ اس حوالے سے یونیورسٹی آف چکوال کے وائس چانسلر فرخ ارسلان صدیقی نے انڈپینڈنٹ اردو کو بتایا: ’ڈیپارٹمنٹ آف انٹرنیشنل ریلیشنز میں 15 دن پہلے ایک تقریب ہوئی جہاں طلبہ کے ایک گروپ نے عالمی تعلقات کے حوالے سے پروجیکٹ تیار کیا۔‘ فرخ ارسلان کے مطابق: ’اسی دوران اسرائیل سمیت دیگر ممالک کے جھنڈے لگائے گئے، لیکن یونیورسٹی انتظامیہ کی اس بارے میں نہ مشاورت شامل ہے نہ ہی اجازت لی گئی۔‘ ان کا مزید کہنا تھا: ’اسرائیل سے متعلق پاکستان کے موقف کے حوالے سے یہ نامناسب حرکت تھی۔ ہم نے انکوائری کمیٹی تشکیل دے کر تحقیقات کا آغاز کر دیا ہے۔‘ یونیورسٹی آف چکوال کے انٹرنیشنل ریلیشنز (IR) ڈیپارٹمنٹ کی طرف سے منعقدہ اسٹریٹجک کانفرنس میں اسرائیلی جھنڈے کی موجودگی کا کیا مقصد تھا ،وزیر اطلاعات پنجاب عظمیٰ بخاری صاحبہ اور حناء پرویز بٹ صاحبہ ضرور اسکی مذمت کریں گی اور 24 گھنٹے میں ضلح چکوال کی ساری بیورو کریسی اور چکوال… pic.twitter.com/lnOBxTg1Be — ijaz cheema (@chemajournalist) May 20, 2026 انہوں نے کہا کہ ’آئندہ 48 گھنٹوں میں ذمہ داران کا تعین کر کے قانون کے مطابق کارروائی کی جائے گی۔‘ پاکستان دنیا کے ان چند ممالک میں شامل ہے جو فلسطین کے حق میں نہ صرف اسرائیل کے وجود کو تسلیم نہیں کرتے بلکہ اپنے شہریوں کو اسرائیل جانے سے قانونی طور پر منع کرنے کے لیے پاکستانی پاسپورٹ پر یہ عبارت بھی درج کر رکھی ہے کہ ’یہ پاسپورٹ سوائے اسرائیل کے دنیا کے تمام ممالک کے لیے کار آمد ہے۔‘ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) نہ صرف پاکستان کی حکومت بلکہ عوام بھی فلسطینی عوام اور فلسطینی کاز کے لیے اپنی مکمل حمایت کا اعادہ کرتے آئے ہیں بلکہ اسرائیل کی فلسطینیوں کے خلاف پرتشدد کارروائی کی پاکستان کی جانب سے ہمیشہ پرزور مذمت کی جاتی رہی ہے، جس سے معاملے پر پاکستانی عوام کے جذباتی لگاؤ کی عکاسی ہوتی ہے۔ ان حالات میں جبکہ پاکستان کی حکومت کا اسرائیل سے متعلق دو ٹوک موقف ہے، اسرائیل کا پرچم یونیورسٹی میں دکھائی دینا ایک ایسا غیرمعمولی واقعہ تھا، جس پر کھلے عام تنقید کی جا رہی ہے۔ ایک صارف نے ایکس پر لکھا: ’یونیورسٹی آف چکوال کے انٹرنیشنل ریلیشنز ڈیپارٹمنٹ کی طرف سے منعقدہ سٹریٹجک کانفرنس میں اسرائیلی پرچم لگا کر طلبہ و طالبات کو کیا پیغام دیا جا رہا ہے؟‘ ایک اور ایکس صارف کا کہنا تھا کہ ’اسرائیلی جھنڈا یونیورسٹی آف چکوال کے آئی آر ڈیپارٹمنٹ میں لگایا گیا ہے۔ کیا اس کے پیچھے وہی سوچ ہے جسے آہستہ آہستہ بنایا جا رہا ہے؟ یونیورسٹی نے وضاحت دی ہے لیکن۔۔۔؟‘ یونیورسٹی آف چکوال کے انٹرنیشنل ریلیشنز (IR) ڈیپارٹمنٹ کی طرف سے منعقدہ اسٹریٹجک کانفرنس میں اسرائیلی جھنڈا لگا کر طلبہ و طالبات کو کیا پیغام دیا جا رہا ہے۔ #Pakistan #Chakwal pic.twitter.com/1n90xJmwVY — Hyper|RogueX ™ (@hyperRoguex) May 20, 2026 اسی طرح ایک اور سوشل میڈیا صارف کا کہنا تھا کہ ’یونیورسٹی آف چکوال کے انٹرنیشنل ریلیشنز ڈیپارٹمنٹ کی طرف سے منعقدہ سٹریٹجک کانفرنس میں اسرائیلی جھنڈے کی موجودگی کا کیا مقصد تھا؟‘ ان کا مزید کہنا تھا کہ ’وزیر اطلاعات پنجاب عظمیٰ بخاری صاحبہ اور حنا پرویز بٹ صاحبہ ضرور اس کی مذمت کریں گی اور 24 گھنٹے میں ضلح چکوال کی ساری بیورو کریسی اور چکوال یونیورسٹی انتظامیہ کو فارغ کرنے کا اعلان بھی کروائیں گی۔۔۔۔‘ An Israeli flag displayed by University of Chakwal’s International Relations Department. Is this the same mindset being gradually created ? By the way university has given an explanation but ... ? https://t.co/4eSojeS8OU pic.twitter.com/TEopYYj8uw — M.Madni (@M1Pak) May 21, 2026 چکوال یونیورسٹی میں اسرائیلی پرچم پر تنقید میں اس وقت مزید اضافہ ہو گیا جب سوشل میڈیا پر ایک اور تصویر منظرعام پر آئی، جس میں مقام تو وہی تھا مگر اسرائیل کے پرچم کی جگہ چین کا پرچم دکھائی دے رہا تھا۔ اگرچہ بعد میں یہ تو واضح ہو گیا کہ تصویر کو ایڈٹ کر کے پرچموں کو تبدیل کیا گیا تھا تاہم یہ واضح نہیں ہوا کہ ایسا کس نے کیا تھا۔ پاکستان اسرائیل کیمپس یونیورسٹی آف چکوال کا کہنا ہے کہ اسرائیل سے متعلق پاکستان کے موقف کے حوالے سے یہ نامناسب حرکت تھی جس پر انکوائری کمیٹی تشکیل دے کر تحقیقات کا آغاز کر دیا ہے۔ ارشد چوہدری جمعرات, مئی 21, 2026 - 19:15 Main image: یونیورسٹی آف چکوال میں منعقدہ ایک تقریب کے دوران دیگر ممالک کے پرچموں کے ساتھ اسرائیل کا پرچم بھی دیکھا جا سکتا ہے (سکرین گریب/ ایکس) type: news related nodes: کراچی: اسرائیلی جھنڈا تھمانے پر تنقید کے باوجود سکول انتظامیہ کا دفاع پاکستانی قیادت نے کبھی اسرائیل کا دورہ نہیں کیا: دفتر خارجہ پاکستانی صحافیوں اور محققین کا اسرائیل کا خفیہ دورہ: اسرائیلی میڈیا امدادی فلوٹیلا کے زیرحراست کارکنوں کو رہا کیا جائے: پاکستان SEO Title: چکوال یونیورسٹی میں اسرائیلی پرچم لگانے کے واقعے کی تحقیقات کا آغاز copyright: show related homepage: Hide from Homepage

Go to News Site