Kajgana
Ѕвездата на Euphoria ги брани контроверзните сцени во серијата: Тоа е вистинскиот живот Александра Спасеска 28.05.2026 / 10:44 Филм & ТВ Актерот Адевале Акинуоје-Агбаџе застана во одбрана на Euphoria по бројните критики за експлицитната и вознемирувачка содржина што ја одбележа новата сезона на популарната драма на HBO. Британскиот актер го игра криминалецот Аламо Браун во серијата, која следи група млади од Калифорнија кои се соочуваат со предизвиците на животот. Акинуоје-Агбаџе рече дека креаторот на серијата Сем Левинсон ја допира реалноста и ја подигнува свеста за важните прашања преку содржините во Euphoria. „Се чини дека серијата стана глас на Генерацијата Z и зборува за проблемите со кои се соочуваат во секојдневниот живот“, рече актерот. Тој додаде дека серијата потврдува многу од искуствата на младите луѓе, вклучувајќи теми како што се менталното здравје и употребата на фентанил, дрога што одзеде многу животи, вклучувајќи го и членот на екипата Ангус Клауд, кој почина од предозирање во 2023 година. „Сем Левинсон не се воздржува. Нема избегнување на проблемот. Заштитната фолија се отстранува и мислам дека тоа е важно бидејќи се подига свеста преку медиумот на забавата“, додаде тој. Зборувајќи за критиките од гледачите кои сметаат дека серијата „ги преминала сите граници“, Акинуоје-Агбаџе рече дека светот содржи „многу непријатни елементи“ што луѓето често не сакаат да ги видат. „Можеме да ги закопаме главите во песок и да седиме во нашите пријатни куќи, но ова се работите од реалноста“, рече тој. Според него, Левинсон направил многу истражување пред да ја создаде серијата. „Не е создадено од никаде. Допирате реалност што може да биде непријатна и за која луѓето избираат да не ја видат или не сакаат да бидат свесни“, објасни тој. Третата сезона од серијата продолжува пет години по завршувањето на втората сезона. Ликот на Нејт, кој го игра Џејкоб Елорди, се соочува со работа во градежна компанија, додека Кеси (Сидни Свини) размислува за кариера на платформата OnlyFans. Џулс (Хантер Шефер) станува ексклузивна ескорт-девојка, додека Лекси (Мод Апатоу) се обидува да изгради кариера во телевизиската индустрија. Главниот лик Ру, кој го игра Зендаја, кратко работи како дилер на дрога преку мексиканската граница пред да добие работа кај сопственикот на стриптиз клуб Аламо Браун. Акинуоје-Агбаџе призна дека играњето на ликот н бруталниот Аламо било предизвик. „Беше тешко да се биде толку мрачен и малку вознемирувачки одвратен“, рече тој, додавајќи дека темата на серијата и мрачната атмосфера може да бидат непријатни. Новата сезона доби мешани критики од гледачите за сцените што вклучуваат разни фетиши, голотија, нацистички симболи и закопување живи луѓе. Пред последната епизода од сезоната, актерот навести дека публиката може да очекува уште поинтензивен развој на настаните. Тој додаде дека гледачите може да очекуваат ситуацијата дополнително да ескалира и дека ликовите ќе мора да се соочат со последиците „во светот на г-дин Браун“. „Аламо Браун е тука за да донесе непријатно 'будење' на оваа помлада генерација ликови. Тие веќе не се во средно училиште, а некои од нив играле од другата страна на законот. Кога го правите тоа, има многу строги последици“, откри тој. Рекордно долгото финале на серијата ќе се емитува на HBO оваа недела, 31 мај. Remote video URL Euphoria Автор/Извор А.С. Прикажи во метро On
Go to News Site