Gonzalez krefst forsetakosninga svo fljótt sem verða má og lýsir stuðningi við Machado

Edmundo Gonzalez Urrutia, sem var forsetaframbjóðandi stjórnarandstöðunnar árið 2024, segir að efna beri til forsetakosninga í Venesúela svo fljótt sem verða má. Bandaríkin og fleiri ríki hafa lýst Gonzalez réttkjörinn forseta landsins. Gonzalez, sem dvelur í útlegð á Spáni, lýsti jafnframt yfir stuðningi við stjórnarandstöðuleiðtogann og Nóbelsverðlaunahafann Mariu Corinu Machado . Hún sjálf hefur krafist kosninga, kallað eftir viðræðum við núverandi stjórnvöld og sagst gefa kost á sér til embættisins. Gonzalez tekur undir orð Machado og segir markmiðið vera frelsi og lýðræði í Venesúela. Yfirlýsingar þeirra beggja gætu sett aukinn þrýsting á stjórnvöld og Bandaríkin að hlýða háværu ákalli um stjórnarskipti eftir að Bandaríkjaher steypti Nicolas Maduro forseta af stóli í janúar og varaforsetinn Delcy Rodriguez tók við, tímabundið og í skjóli Bandaríkjanna. Hún náði kjöri í sömu kosningum og Maduro, sem sætir ákæru í New York fyrir fíkniefnasölu. Stjórnarandstaðan og leiðtogar margra ríkja hafa sagt niðurstöðum kosninganna hafa verið hagrætt þeim í vil. Trump-stjórnin virðist ánægð með Rodriguez í brúnni meðan hún hlýðir kröfum hennar. Stjórnvöld í Venesúela líta á Machado sem flóttamann og saka hana um að hafa kallað eftir hernaðaríhlutun í landið.

Go to News Site