ប្រទេសចិនបាញ់បង្ហោះផ្កាយរណបសម្រាប់បច្ចេកវិទ្យាអ៊ីនធឺណិតថ្មី

អន្ដរជាតិ៖ នៅថ្ងៃទី 31 ខែឧសភា ប្រទេសចិនបានបាញ់បង្ហោះផ្កាយរណបសាកល្បងសម្រាប់បច្ចេកវិទ្យាអ៊ីនធឺណិតថ្មីដោយជោគជ័យពីមជ្ឈមណ្ឌលបាញ់បង្ហោះផ្កាយរណបស៊ីឆាងក្នុងខេត្តស៊ីឈួន ភាគនិរតីប្រទេសចិន។ យោងតាមទីភ្នាក់ងារសារព័ត៌មានស៊ីនហួ ផ្កាយរណបនេះត្រូវបានបាញ់បង្ហោះទៅកាន់លំហអាកាសនៅម៉ោង 2:07 ព្រឹក (ម៉ោងនៅទីក្រុងប៉េកាំង) ដោយប្រើរ៉ុក្កែត Long March-2D ហើយបានចូលទៅក្នុងគន្លងដែលបានកំណត់ទុកជាមុនរបស់វា។ ផ្កាយរណបនេះត្រូវបានប្រើជាចម្បងដើម្បីសាកល្បង និងផ្ទៀងផ្ទាត់បច្ចេកវិទ្យាសម្រាប់ការតភ្ជាប់អ៊ីនធឺណិតដោយផ្ទាល់រវាងទូរស័ព្ទចល័ត និងផ្កាយរណប ក៏ដូចជាបច្ចេកវិទ្យាបណ្តាញអវកាសទៅដីរួមបញ្ចូលគ្នា។ រ៉ុក្កែត Long March-2D ត្រូវបានបង្កើតឡើងដោយបណ្ឌិត្យសភាបច្ចេកវិទ្យាអវកាសសៀងហៃ ដែលជាផ្នែកមួយនៃសាជីវកម្មវិទ្យាសាស្ត្រ និងបច្ចេកវិទ្យាអវកាសចិន។ រ៉ុក្កែតនេះអាចបាញ់បង្ហោះផ្កាយរណបមួយ ឬច្រើនក្នុងពេលដំណាលគ្នា៕

Go to News Site