Ադրբեջանի տարածքով ՀՀ է ուղարկվելու ցորեն ու պարարտանյութ

Ռուսաստանից Հայաստան Ադրբեջանի տարածքով կուղարկվի երկու վագոն ցորեն և երկու վագոն պարարտանյութ, հայտնում են ադրբեջանական լրատվամիջոցները։ APA գործակալությա փոխանցմամբ՝ վագոնները կուղարկվեն այսօր։ Ըստ աղբյուրի՝ Հայաստան ուղարկվող բեռի քաշը կազմում է 977 տոննա և մինչ օրս Ադրբեջանի տարածքով Ռուսաստանից Հայաստան է տեղափոխվել ավելի քան 26,000 տոննա հացահատիկ, ավելի քան 3,800 տոննա պարարտանյութ և 68 տոննա հնդկացորեն։ Անցած տարվա հոկտեմբերին Ադրբեջանի նախագահ Իլհամ Ալիևը հայտարարեց, որ «Ադրբեջանը չեղարկել է Հայաստան ապրանքների տարանցման արգելքը»: Արդեն նոյեմբերին Ադրբեջանի տարածքով Հայաստան տեղափոխվեց ռուսական և ղազախական ծագման ցորեն:

Go to News Site