سوریا ونشی پر چوکوں، چھکوں کے بعد انعامات کی بارش

انڈین پریمیئر لیگ (آئی پی ایل) کے حالیہ سیزن میں نوجوان ویبھو سوریا ونشی نے جس طرح سے چوکے چھکوں کی بارش کی اسی طرح ان پر انعامات کی بھی بارش ہوئی ہے۔ ویبھو سوریا ونشی کی راجستھان رائلز تو فائنل میں نہیں پہنچ سکی مگر وہ خود اتوار کو ہوئے آئی پی ایل فائنل میں موجود تھے جہاں اختتامی تقریب میں ان کی سیزن میں شاندار بیٹنگ پر ڈھیروں ایوارڈ ان کا انتظار کر رہے تھے۔ ان انعامات میں انہیں ایک ایس یو وی گاڑی بھی ملی مگر 15 سالہ کرکٹ کے اس ابھرتے ستارے کو اسے چلانے کے لیے ابھی تین سال انتظار کرنا ہوگا۔ ویبھو نے آئی پی ایل 2026 کے 16 میچوں میں 48.50 کی اوسط سے کل  776 رنز بنائے جبکہ ان کا سٹرائیک ریٹ 237.30 رہا۔ ویراٹ کوہلی کی رائل چیلنجرز بینگلور نے اتوار کو گجرات ٹائٹنز کو فائنل میں شکست دے کر لگاتار دوسری مرتبہ ٹائٹل جیتا۔ فائنل کے بعد اختتامی تقریب میں جب انعامات تقسیم کرنے کی باری آئی تو تقریباً ہر کیٹیگری میں ویبھو سوریا ونشی کا نام دکھائی دیا۔ ایونٹ میں سب سے زیادہ رنز بنانے پر سوریا ونشی کو اورنج کیپ دی گئی جبکہ انہیں ’سب سے اہم کھلاڑی‘ کا ایوارڈ بھی ملا۔ اس کے علاوہ انہیں ایمرجنگ پلیئر آف دی سیزن کا ایوارڈ بھی دیا گیا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اس طرح وہ آئی پی ایل کی تاریخ کے پہلے کھلاڑی بن گئے جنہوں نے ایک ہی سیزن میں موسٹ ویلیوایبل پلیئر اور ایمرجنگ پلیئر دونوں ایوارڈ جیتے۔ نوجوان کھلاڑی کو انعام میں ٹاٹا سیارا گاڑی دی گئی، جس کی قیمت تقریباً 21 لاکھ انڈین روپے (تقریباً 22 ہزار ڈالر) ہے۔ تاہم وہ فی الحال یہ گاڑی خود نہیں چلا سکیں گے کیونکہ انڈیا میں ڈرائیونگ کے لیے کم از کم عمر 18 سال ہے۔ انہیں مجموعی طور پر 57 ہزار ڈالرز کی انعامی رقم سے زائد ملی۔ ایوارڈ جیتنے کے بعد انہوں نے کہا کہ ’اچھا محسوس ہو رہا ہے، لیکن تھوڑا دباؤ بھی ہے کیونکہ میں یہاں انٹرویو دے رہا ہوں۔ لیکن یہ یقیناً فخر کا لمحہ ہے، بہت اچھا لگ رہا ہے، اور میں اگلے سیزن میں اس سے بھی بہتر کرنے کی کوشش کروں گا۔‘ سوریاونشی نے اس آئی پی ایل کے اپنے آخری دو میچوں میں 97 اور 96 رنز کی دھواں دار اننگز کھیلیں، جس کے بعد انہیں انڈین قومی ٹیم میں شامل کیے جانے کا مطالبہ مزید زور پکڑ گیا ہے۔ انہوں نے آئی پی ایل 2026 میں 72 چھکے لگائے، جو ایک سیزن میں سب سے زیادہ ہیں۔ اس کے ساتھ انہوں نے کرس گیل کا 59 چھکوں کا ریکارڈ توڑ دیا۔ وہ 2011 کے بعد پہلے کھلاڑی بھی بنے جنہوں نے ایک ہی سیزن میں سب سے زیادہ رنز اور سب سے زیادہ سٹرائیک ریٹ دونوں میں سب کو پیچھے چھوڑا۔ آئی پی ایل انڈیا کرکٹ ویبھو سوریا ونشی کی راجستھان رائلز تو فائنل میں نہیں پہنچ مگر وہ خود فائنل میں موجود تھے جہاں سیزن میں شاندار بیٹنگ پر ڈھیروں ایوارڈ ان کا انتظار کر رہے تھے۔ انڈپینڈنٹ اردو سوموار, جون 1, 2026 - 12:00 Main image: آئی پی ایل ٹیم راجستھان رائلز کے ویبھو سوریا ونشی 31 مئی 2026 کو ملنے والے انعامات کے ساتھ گراؤنڈ میں بیٹھے ہیں (آئی پی ایل) کرکٹ type: news related nodes: رائل چیلنجرز بنگلورو کا مسلسل دوسرا آئی پی ایل ٹائٹل ویبھو سوریاونشی ’چھکے مارنے والی نئی مشین‘ سوریاونشی: والد کے ادھورے خواب کو پورا کرنے کی داستان سوریا ونشی کو شہرت سے دور رہتے ہوئے طویل سفر طے کرنا ہے: ڈریوڈ SEO Title: سوریا ونشی پر چوکوں، چھکوں کے بعد انعامات کی بارش copyright: show related homepage: Hide from Homepage

Go to News Site