یورپی یونین کی اعلیٰ سفارت کار کا دورہ پاکستان، سٹریٹجک ڈائیلاگ میں شرکت

یورپی یونین کی اعلیٰ نمائندہ برائے خارجہ امور کاجا کالاس پیر کو اسلام آباد پہنچیں اور آٹھویں ’پاکستان-یورپی یونین سٹریٹجک ڈائیلاگ‘ میں شرکت کی جس میں دوطرفہ تعلقات اور مختلف شعبوں میں تعاون کا جائزہ لیا گیا۔ یہ سٹریٹجک ڈائیلاگ دونوں فریقوں کے درمیان اعلیٰ سطح کا باضابطہ فورم ہے، جس میں ’پاکستان-یورپی یونین سٹریٹجک انگیجمنٹ پلان 2019‘ کے تحت تمام شعبوں میں تعاون کا جائزہ لیا جاتا ہے۔ یہ ڈائیلاگ ہر سال منعقد ہوتا ہے اور اس کا آخری اجلاس نومبر 2025 میں اسلام آباد میں ہوا تھا۔ Deputy Prime Minister/Foreign Minister Senator Mohammad Ishaq Dar @MIshaqDar50 met with the EU HR/VP Ms. Kaja Kallas @kajakallas , today in Islamabad. During the meeting, both sides acknowledged the positive trajectory of Pakistan-EU ties and agreed to further strengthen the… pic.twitter.com/xJAVuE3MG0 — Ministry of Foreign Affairs - Pakistan (@ForeignOfficePk) June 1, 2026 ملاقات کے دوران دونوں فریقوں نے ’پاکستان-یورپی یونین‘ تعلقات کے مثبت رجحان کو سراہا اور اس باہمی مفاد پر مبنی شراکت داری کو مزید مضبوط بنانے پر اتفاق کیا۔ دونوں رہنماؤں نے علاقائی اور عالمی صورت پر بھی تبادلہ خیال کیا۔ یورپی یونین کی سفارتی سروس ’یورپی ایکسٹرنل ایکشن سروس‘ اور پاکستان کے دفتر خارجہ کے مطابق، کالاس نے اس اجلاس کی مشترکہ صدارت پاکستان کے نائب وزیرِ اعظم و وزیر خارجہ اسحاق ڈار کے ساتھ کی۔ دفتر خارجہ کے مطابق جب کاجا کالاش وزارت خارجہ پہنچیں تو اسحاق ڈار نے ان کا استقبال کیا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) یورپی ایکسٹرنل ایکشن سروس کے مطابق، اپنے دورے کے دوران کالاس ؎صدر آصف علی زرداری، وزیراعظم شہباز شریف اور چیف آف ڈیفنس فورسز فیلڈ مارشل عاصم منیر  سے بھی ملاقات کریں گی۔ بیان میں مزید کہا گیا کہ اس دورے کے دوران وہ تھنک ٹینکس اور تعلیمی اداروں کے نمائندوں سے بھی ملاقات کریں گی۔ پاکستان یورپی یونین کو خاص اہمیت دیتا ہے کیونکہ یہ اسلام آباد کا ایک بڑا تجارتی شراکت دار ہے، جہاں پاکستان کی 30 فیصد سے زائد برآمدات ’جی ایس پی پلس‘ سکیم کے تحت جاتی ہیں۔ جی ایس پی پلس سکیم کے تحت ممالک کو یورپی منڈی تک ڈیوٹی فری رسائی دی جاتی ہے، بشرطیکہ وہ 27 بین الاقوامی بنیادی معاہدوں، جن میں انسانی اور شہری حقوق کے معاہدے بھی شامل ہیں، پر عمل درآمد کریں۔ پاکستان اس سکیم سے فائدہ اٹھانے والے ممالک میں شامل ہے۔ پاکستان یورپی یونین جی ایس پی پلس پاکستان کے نائب وزیراعظم اسحاق ڈار اور یورپی یونین کی اعلیٰ نمائندہ برائے خارجہ امور نے علاقائی اور عالمی صورت حال پر بھی تبادلہ خیال کیا۔ انڈپینڈنٹ اردو سوموار, جون 1, 2026 - 13:45 Main image: پاکستان کے نائب وزیراعظم اسحاق ڈار اور یورپی یونین کی اعلیٰ نمائندہ برائے خارجہ امور کاجا کالاس 01 مئی 2026 کو اسلام آباد میں ملاقات کرتے ہوئے۔ (تصویر: پاکستانی وزارت خارجہ) پاکستان type: news related nodes: پاکستان کے لیے جی ایس پی پلس سکیم میں چار سالہ توسیع یورپی یونین سے تجارت کے فروغ کی کوششیں جاری رکھیں گے: پاکستان یورپی یونین ایرانی پاسداران انقلاب کو ’دہشت گرد تنظیم‘ قرار دینے پر متفق ایران کا یورپی یونین سے پاسداران انقلاب کو ’دہشت گرد‘ قرار دینے پر احتجاج SEO Title: یورپی یونین کی اعلیٰ سفارت کار کا دورہ پاکستان، سٹریٹجک ڈائیلاگ میں شرکت copyright: show related homepage: Hide from Homepage

Go to News Site