Telegrafi
Aktorja Millie Bobby Brown ka folur për përvojën e saj si nënë pasi ajo dhe bashkëshorti i saj Jake Bongiovi adoptuan një vajzë në verën e vitit 2025. E njohur për rolin e saj në serialin "Stranger Things", Millie tregoi se prindërimi është një përvojë e bukur, emocionuese, por edhe sfiduese. Ajo pranoi se shpesh e telefonon nënën e saj për ta pyetur nëse sjellje të caktuara të vajzës janë normale, duke e quajtur atë 'ndihma e parë' në rolin e nënës. View this post on Instagram A post shared by UNICEF (@unicef) Aktorja tha se mbështetja e familjes ka qenë shumë e rëndësishme për të. Kur nuk mund të flasë me nënën, ajo kërkon këshilla edhe nga vjehrra e saj, e cila gjithashtu i jep kurajë dhe mbështetje. Millie dhe Jake, të cilët u martuan në fshehtësi në maj të vitit 2024, kanë zgjedhur ta jetojnë prindërimin larg vëmendjes së publikut. Ajo zbuloi se motoja e tyre është të marrin çdo ditë me radhë dhe të mos shqetësohen tepër për vështirësitë e përditshme. Sipas aktores, ardhja e vajzës në jetën e saj ka ndryshuar gjithçka. View this post on Instagram A post shared by Millie Bobby Brown (@milliebobbybrown) Ajo dëshiron që e bija të rritet me besimin se gratë mund të arrijnë ëndrrat e tyre dhe se nuk duhet të pranojnë më pak sesa meritojnë. Megjithatë, theksoi se gjëja që e ka surprizuar më shumë është forca e dashurisë që ndien për fëmijën e saj. “Nuk e kuptoja se si zemra mund të mbajë kaq shumë dashuri. Është një ndjenjë e pabesueshme dhe e pashpjegueshme”, u shpreh ajo. /Telegrafi/
Go to News Site