Fréttastofa RÚV
Zohran Mamdani borgarstjóri New York skrifaði undir tilskipun sem ógildir reglur um háttatíma barna meðan á leikjum Knicks stendur. New York Knicks eru að spila í úrslitaeinvígi í fyrsta skipti síðan 1999 og gætu unnið fyrsta titilinn síðan 1973. Aðdáendur liðsins eru því vægast sagt spenntir. Zohran Mamdani borgarstjóri New York ógildir reglur um háttatíma barna á meðan körfuboltaliðið New York Knicks spilar í fyrsta úrslitaeinvígi sínu í NBA-deildinni síðan 1999. Leikirnir byrja klukkan 20:30 í New York, sem er 00:30 á Íslandi, og geta tekið allt að þrjá tíma. Börn í New York gætu því verið að fara í háttinn í kringum miðnætti, þrátt fyrir að það sé skóli daginn eftir. Zohran Mamdani borgarstjóri New York ógildir reglur um háttatíma barna á meðan körfuboltaliðið New York Knicks spilar í fyrsta úrslitaeinvígi sínu í NBA-deildinni síðan 1999. „Sem borgarstjóri þarf ég að taka margar erfiðar ákvarðanir, þetta var ekki ein þeirra,“ skrifaði Mamdani á X. Í tilskipuninni segir að allir New York-búar eigi að geta stutt Knicks í úrslitaeinvíginu og að háttatími eigi ekki að koma í veg fyrir að krúttlegustu aðdáendur liðsins geti horft á hverja einustu sekúndu.
Go to News Site