Mediamax
Երեւան: Մեդիամաքս: Ռուսաստանի փոխարտգործնախարար Միխայիլ Գալուզինը հայտարարել է, որ Մոսկվան «մտադիր չէ վճարել եվրաինտեգրման ուղղությամբ Հայաստանի քայլերի հետեւանքների համար»։ «Իհարկե, մենք մտադիր չենք այն անվիճելի բոնուսների ու արտոնությունների հաշվին, որոնք Հայաստանն ունի Եվրասիական տնտեսական միությանն անդամակցությունից, վճարել Եվրոպական միության ուղղությամբ Հայաստանի շարժի համար»,- ասել է փոխնախարարը՝ պատասխանելով ՏԱՍՍ-ի հարցին ։ «Մենք տեսնում ենք, որ, մի կողմից, Հայաստանը հայտարարում է Եվրասիական միության շրջանակներում համագործակցությանը հավատարմության մասին, բայց միեւնույն ժամանակ օրենսդրական քայլեր է ձեռնարկում Եվրոպական միությանն անդամակցելու գործընթաց սկսելու ուղղությամբ»,- ասել է Գալուզինը։ Նրա խոսքով՝ այդ պատճառով Մոսկվան «լուրջ հարցեր ունի Հայաստանին»։
Go to News Site